М.Х.Дулати атындағы Тараз өңірлік университеті «Су шаруашылығы және табиғатқа үйлестіру» институты «Су ресурстары» кафедрасының профессоры Сейтхан Мелдебекұлы Қойбақов – 2020-2021 ж.ж. іске асырылатын «Развитие институционального потенциала для устойчивых подземных вод в Центральной Азии с упорам на Каракалпакстан, бывший регион Аральского моря в Узбекистане» UniCEN Халықаралық гранттық темасының қазақстандық жетекшісі болып табылады. Бұл жобаға Небраска университеті (АҚШ), ТИИМСХ (Ташкент), Қарақалпақ мемлекеттік университеті (Нүкіс, Өзбекстан Республикасы), Назарбаев Университеті және Тараз университеті қатысады.

М.Х. Дулати атындағы Тараз өңірлік университетінің Су шаруашылығы және табиғатқа үйлестіру институты «Экология» кафедрасының 1 курс студенттерін көне Тараз қаласының тарихымен таныстыру мақсатында мәдени іс-шара ұйымдастырылды.

Іс-шараға «Ежелгі Тараз ескерткіштері» мемлекеттік тарихи-мәдени қорық музейінің ғылыми қызметкерлері Ұ.Ш.Шаизхан, А. Ғ.Жарылқапова, У.Х.Алимханова қатысты. Ғылыми қызметкерлер «Ежелгі Тараз ескерткіштері» қорық музейінің жылжымалы көрме жәдігерлерімен таныстырды.

«Су ресурстары» кафедрасының 3 курс кураторы Байжігітова М.Т. қараша айының 3 жұлдызында студенттермен бірге «Тарихы терең Таразым» тақырыбында кураторлық сағатын өткізді. Көне Тараз шахарының тарихына терең көңіл бөлінді.

Тараз шаһары тарихи оқиғаларға бай. Бұл қала Аулие-атадан бастап, Талас, Наманган, Йени-Тараз, Жамбыл, Мирзоян болып аталды. Киелі топырақта б.э. 1 ғасырында көшпенді халықтар өмір сүрген. Әйгілі ғалымдар. Тараз шаһары тарихи оқиғаларға бай. Бұл қала Аулие-атадан бастап, Талас, Наманган, Йени-Тараз, Жамбыл, Мирзоян болып аталды. Киелі топырақта б.э. 1 ғасырында көшпенді халықтар өмір сүрген. Әйгілі ғалым В. Бартольдтің зерттеуіне сүйенсек, Тараздың іргесі б.э.д. қаланған. Сырдария мен Талас өзендерінің маңында б.э.д. 1 ғасырда 600 000-нан астам қаңлы тайпасы қоныстанған. Олар Жетісулық үйсіндермен жауласып, нәтижесінде ғұндармен бірігіп одақ құрған. Бұл оқиғаға Л.Н. Гумилевтің «Б.э.д. 36 жылдағы Таластағы соғыс» дерегі дәлел.  Чжи-Чжи Талас бойында қалып, ұлы кент құрады. Екі жыл бойы соғылған қала мықты бекініс болып шықты. Дуалы екі қабаттан тұрды – сыртқы қабаты ағаш, ішкі қабаты лайдан соғылған. Кейбір деректерде, Талас деп атанған шаһардың соғылуына Марк Крассаның бүлінген армиясынан қалған Римнің легионерлері де жұмыс істеген деп көрсетілген.

Қазан айының 27 жұлдызында Байжігітова М.Т. 3курс студенттеріне Ұлттық валюта күніне орай «Ұлттық теңге Тәуелсіз Қазақстанның айшығы» тақырыбында ашық кураторлық сағатын өткізді. Ашық сағатта Қазақстан валютасының пайда болу тарихы айтылды. Тәуелсіздік алғаннан кейін әр ел өзінің теңгелерін шығара бастады. Елімізде ақшаны бастыратын фабрика жоқ болатын. Тіпті құнды қағаз бастыратын қаржы да тапшы болатын. Теңгені дайындау үрдісі өте құпия түрде жүргізілді. Теңгенің 16 құпия қорғанысы белгісі бар. Қазақстан теңгесі қазіргі ақша жасау технологиясының соңғы жетістіктеріне сүйеніп жасалған болды. 1993 жылдың күзінде Қазақстан ТМД елдерінің ең соңында рубль аймағынан шықты. 15 қарашада сағат 8-де Қазақстан мемлекетінде ұлттық валюта –теңге енгізілді. Ақша белгілері- теңге мен тиынды Қазақстанның озық суретшілерінің қатысуымен Ұлттық банк әзірленді. Теңге Қазақстанның алғашқы ақшасы емес. Ежелгі Қазақстан аумағында ақша бұдан көптеген ғаырлар бұрын пайдаланылған. Сырдарияда, Отырар алқабында түркі билеушілері, ал Жетісуда түргештер 7-8 ғасырларда өз ақшаларын шығарған. Отырар мен Исфиджабта монет сарайлары жұмыс істеген. Оныншы ғасырлардың ортасы мен сегізінші ғасырларда қалалар тез өсіп,тауар өндірісі мен сауда көлемі ұлғая түсті. Ұсақ бөлшек саудада көбіне мыс фельстер қолданылды. Алтын монеталар да айналымға түсті, бірақ ол саудада дара түрінде ғана емес салмағына қарай пайдаланылды: монетаны қажетіне қарай кесектеп сындыратын болған. Он төртінші ғасырдың соңыннан бастап Қазақстанда Әмір Темір монеталары айналымға енді.

«Су шаруашылығы және табиғатқа үйлестіру» институты «Экология» кафедрасының 1 курс студенттері Дулати апталығының өтуіне байланысты университет музейімен танысты.

Таныстыру жұмыстарын музей қызметкері Қалабаева Ақсауле Тортаевна жүргізді. Университтің бас ғимаратындағы музей 6 залдан тұрады. М.Х. Дулатидың өмірбаяны мен университеттің тарихын, университетті басқарған ректорлардың жасаған жұмыстарын, музейге ескерткіш ретінде тапсырған сыйларын, жазған еңбектерін және музей жәдігерлерімен таныстырып, олардың қолданылу уақытын, тарихын баяндады. Онда қолданыстағы болған түрлі заттармен, әшекей бұйымдар, түрлі ыдыстар, дәрі сақтайтын және иіс су немесе әтір құятын ыдыстар, т.б. бұйымдар жетерлік. Бұдан бөлек университетімізде оқып жатқан және бітіріп кеткен түрлі салаларда үлкен жетістіктерге жеткен ғылым және спорт жеңімпаздары туралы ақпараттар да көп екен.

2021 жылдың 20 қазанында М.Х.Дулати атындағы Тараз өңірлік университетінің "Су шаруашылығы және табиғатқа үйлестіру" институтының "Су ресурстары" кафедрасының аға кураторы Г.Е. Қожамқұлова және 2 курс кураторы Г. Ж. Қойшыбаева 6В08613- "Елді мекендерді сумен қамтамасыз ету және суды бұру", 6В08614- "Гидротехникалық құрылыс және құрылымдар", 6В08615 – "Су ресурстарын басқару", 5В080500- "Су ресурстары және суды пайдалану" білім беру бағдарламаларының 1,2,3,4 курс студенттерінің полиция қызметкерлерімен кездесуін ұйымдастырды.

Полиция қызметкерлері профилактикалық әңгіме барысында студенттер үшін өте өзекті тақырыптарды қозғады: бұл әр азаматтың құқықтары мен міндеттері, құқық бұзушылықтар, нашақорлық және оның салдары үшін жазалау шаралары.