COVID-19 вирусы екі түрлі жолмен:Жөтелгенде, түшкіргенде, ауру адаммен сөйлескенде ауа арқылы және тұрмыстық заттар арқылы таралады.
Коронавирустың алдын алу жолдары қандай? - Ең алдымен, әрқайсымыз санитарлық гигиена талаптарын сақтауға міндеттіміз. Көпшілік тамақтанатын жерлерге, қоғамдық орындарға, базарларға барудан бас тартқанымыз жөн болар. Қолды жиі-жиі сабындап жуып, арнайы антисептикалық құралдарды пайдалануымыз керек. Үйімізді (жұмыс орнымызды) таза ұстауға тырысуымыз керек: жиі-жиі сумен жуып, ауаны тазартып отырғанымыз дұрыс.Түшкіргенде, жөтелген кезде мұрнымыз бен аузымызды бір реттік сулықтармен жабуымыз керек. Ортақ тұрмыстық құралдарды пайдаланбағанымыз жөн болар.
Коронавирус белгілері неше күнде білінуі мүмкін?- Вирус жұққан күннен бастап 14 күннен 28 күнге дейін біліне бастайды. «Ресейлік «Спутник V» вакцинасының сапасы жеткілікті деңгейде тексеруден өтті ме деген мәселеге келсек, аталмыш вакцина Ресей Федерациясында мемлекеттік тіркеуден өтті және бірнеше ай бойы халықтың осал топтарын иммундау үшін қолданылып келеді. Ресей Федерациясының Тікелей инвестициялар қорының мәліметтері бойынша бұл вакцинаны сатып алуға 50-ге жуық мемлекет өтініш берген, ал кейбір елдер (Беларусь, Аргентина, Сербия) қазірдің өзінде оны сәтті қолдануда», - деп түсініктеме берді мамандар ресейлік вакцинаға қатысты. «Қазіргі уақытта ҚР Денсаулық сақтау министрлігі Ресейден басқа, «Sinovac», «Sinopharm» (Қытай), «Phizer» (АҚШ) қоса алғанда, коронавирустық инфекцияға қарсы вакцина өндіруші бірқатар мемлекеттермен келіссөздер жүргізуде», - деді ДСМ өкілдері. «Вакцинацияның электрондық паспорты дегеніміз –вакцинаның медициналық тарихы. Бұл вакцина қабылдайтын халықты бақылау және мониторинг жүргізу және үздіксіз жүргізу үшін денсаулық сақтау саласындағы негізгі модуль (функционалдылық). Қазіргі уақытта Вакцинацияның электрондық паспортын әзірлеу аяқталып келеді. Паспорттың жұмыс қабілеттілігі медицина қызметкерлері үшін Денсаулық сақтау министрлігінің ақпараттық ресурстары арқылы, ал пациенттер үшін - eGov Mobile мобильдік қосымшасын пайдалану арқылы іске асырылатын болады», - деді мамандар.
Байжігітіва Мадина Төреханқызы