Кино және театр актеры Жанболат Найзабеков "Мәдениет және өнер кафедрасы мәдени тынығу қызметі" студенттермен кездесті
«Кәсіптік оқыту бағдарламасы бойынша интерактивті әдіс-тәсілдерді қолданудың тиімділігі» тақырыбында облыстық семинар өтті
«Педагогика және әлеуметтік ғылымдар» факультеті «Музыка және көркемдік білім» кафедрасының ұйымдастыруымен «Кәсіптік оқыту бағдарламасы бойынша интерактивті әдіс-тәсілдерді қолданудың тиімділігі» тақырыбында облыстық семинар өтті.
Ынтымақтастық сапалы білім, кәсіби бағдар
«Мектепке дейінгі және бастауыш білім беру» кафедрасының аға оқытушылар Қасымов М.Р., Абдракова А.Б.,Шынтаева Н.А., Минайдарова М.Е., Кадырова А. Е., және Абай атындағы Жамбыл гуманитарлық колледжінің мектепке дейінгі тәрбие және оқыту мамандығының оқытушысы Серикова Забира Байдаулетовна, бастауыш білім беру бөлімінің меңгеруші Жумадилова Ардак Каратаевна, Дш-1-20, Пмно -1-20 топ студенттерімен «Ынтымақтастық сапалы білім, кәсіби бағдар» атты семинар ұйымдастырды.
Ахмет Байтұрсынұлы атамыз айтқандай «Басқадан кем болмау үшін бізге білім керек, күш керек. Білімді болу үшін – оқу керек, бай болу үшін еңбек ету керек, күшті болу үшін – білек керек. Осы керектің бәрін іске асыру үшін ақыл мен сабыр керек». Балаларды тәрбиелеу мен оқытуда мұғалім мен тәрбиеші бірлесе жұмыс атқарғаны жөн. Қазіргі уақытта Қазақстанда білім берудің өзіндік ұлттық үлгісі қалыптасуда. Еліміздің білім беру жүйесі заман талабына сай дамып келеді. Өркениетті қоғамды құрудағы мемлекеттің қалыптасуы алдымен өскелең ұрпақтың еркін ойлай білуі мен шығармашылығы, кәсіби біліктілігі мен біліміне байланысты болмақ.
МАМАНДАР МЕДИАЦИЯ ИНСТИТУТЫН БІРГЕ ДАМЫТУДЫ КӨЗДЕЙДІ
М.Х.Дулати атындағы Тараз өңірлік университетінде «Педагогика» кафедрасының ұйымдастыруымен «Медиация институтын дамытудағы психология қызметінің рөлі» тақырыбында облыстық «Formatted» семинары өтті.
Семинар жұмысына мемлекеттік органдар, үкімет емес ұйымдар, аудан мен қала білім бөлімдерінің басшыларының орынбасарлары, мектеп психологтары, медиаторлар қауымдастығының мүшелері қатысты.
Елу жылдан кейінгі ерекше кездесу
«Ұстаз» институты «Орыс тілі мен әдебиеті» кафедрасын 1973 жылы бітірген түлектер бүгін білім ордасында бас қосты. 50 жылдық мерейлі кездесуге түлектер әртүрлі қалалардан келген. Сағынышпен еске алатын студенттік жылдарынан естеліктер мен қызықты оқиғалар да айтты.
Осыдан жарты ғасырға жуық уақыт бұрын бір аудиторияда дәріс тыңдаған түлектер бүгінге дейін бір-бірімен байланысын үзбеген. Бұл мерекені есте қаларлықтай ерекше қылып өткізгісі келген ұйымдастырушылар қатысушылардың барлығынаестелік ретінде арнайы төсбелгілер сыйға тартты.
Мектеппен байланыс: болашақ ұстаздармен жұмыс бүгіннен басталады
Жастарды еңбекке баулу және мамандықтарын дұрыс таңдауға бағыт беру - маңызды істердің бірі. Саналы түрде таңдалған мамандық - жеке тұлғаның болашақ өміріне ерекше әсер етеді.
Сол себепті қазіргі таңда түлектерге кәсіби бағдар беру – аса маңызды. Кәсіби бағдар беру – шешімі табылуға тиісті өте күрделі кешенді мәселе. Өзінің әдістемесі және мазмұны жағынан оның психологиялық, педагогикалық, физиологиялық және әлеуметтік сипаты болады. Нәтижесі қоғамның экономикалық өміріне әсер етеді.
«МЕН ПЕДАГОГ МАМАНДЫҒЫН ТАҢДАЙМЫН!»
Республикалық педагогикалық олимпиадасы
2023 жылдың 24-26 сәуірінде М.Х.Дулати атындағы Тараз өңірлік университеті оқу орнының құрылғанына 65 жыл толуына орай және «Педагогикалық сыныптарды оқыту бағдарламасының» қорытынды кезеңін өткізу мақсатында «МЕН ПЕДАГОГ МАМАНДЫҒЫН ТАҢДАЙМЫН!» атты Республикалық педагогикалық олимпиадасын «Педагогика» кафедрасы жоғары деңгейде өткізе білді.
САЛМАҚТЫ ПАЙЫМ, СҮБЕЛІ СҰХБАТ
Филология ғылымдарының кандидаты Әбішева Рыскен Рахымқызы «Қазақ тілі мен әдебиеті» кафедрасының студенттерімен жүздесіп, сүбелі сұхбат өрбітті.
Ұрпақ рухын ұштаған кездесу барысында автор «Тірі жүріп көргеннің бәрі қызық» атты естелік – әңгімелері, «Тасыған өмір, жасыған көңіл» және «Дүниедегі ең үлкен байлық» кітаптарының мазмұнына терең бойлады.
Тәрбие дәнін жас буынның бойына сіңдіруді көздеген аталған кездесуді «Жасын» әдеби – шығармашылық бірлестігінің жетекшісі С.М.Исматова тізгіндеді.
Университеттің тәрбие жұмысы және әлеуметтік мәселелер жөніндегі департамент директоры Назарбекова Алуа Ахмедиярқызы автор кітабының тұсауын кесіп, жүрекжарды лебізін білдірді. Сондай – ақ, келелі кездесуге кафедраның аға оқытушысы Н.М.Рсымбетова мен докторант К.Б.Қанат куә болды.
«ӨМІРДІҢ ӨЗІ МАХАББАТ» АТТЫ ӘДЕБИ САЗДЫ – ПОЭЗИЯЛЫҚ КЕШІ ӨТТІ
Тараз қаласында наурыздың 10 күні №3 мектеп-лицейінде ақын, әлем халықтары жазушылар одағының мүшесі Сәуле Шәмшіғалиқызының шығармашылығына арналған «Өмірдің өзі махаббат» атты облыстық әдеби сазды - поэзиялық кеші өтті.
Өлкеміздегі халықтың ыстық ықыласына бөленіп жүрген қаламгерлеріміздің өрнегі мол жырларын жастарға насихаттау, ақынның өнегелі өмір жолын өскелең ұрпаққа өнеге тұтып, жастардың жыр оқуға құлшынысын арттыру мақсатында ұйымдастырылған шараға «Қазақ тілі мен әдебиеті» кафедрасы ұйытқы болды.
Әдеби – сазды кеш барысында кафедраның студенттері мен бітіруші түлектері ақын шығармашылығынан үзінділер оқып, автордың төл туындысынан қойылым көрсетілді.
Қазақ аруының бейнесі
2023 жылдың 7 наурызында М. Х. Дулати атындағы Тараз өңірлік университетінің "Ұстаз" институты, "Әлем тілдері" кафедрасы Халықаралық әйелдер күніне орай "Қазақ аруының бейнесі" атты поэзия кешін ұйымдастырды.
Кафедра оқытушылары Г.А.Алимханова мен Д.П.Сабырова Қазақстан Республикасының мәдениет комитеті мен мәдениет және спорт Министрлігінің "Ежелгі Тараз ескерткіштері" мемлекеттік тарихи-мәдени музей-қорығының көшпелі көрмесін шақырды.
«THE DIGITALISATION OF FOREIGN LANGUAGE LEARNING» АТТЫ АЙМАҚТЫҚ ОҚЫТУ МЕН ТӘЖІРИБЕ ФЕСТИВАЛІ
М.Х.Дулати атындағы Тараз өңірлік университеті «Ұстаз» институты «Әлем тілдері» кафедрасы Жамбыл облысының педагог мамандарымен оқу үрдісін модернизациялау: әдістемелік көшбасшылық, Альфа ұрпаққа шет тілін үйретудегі заманауи технологиялар, мәдениетаралық коммуникация, оқушыға бағытталған оқыту тақырыптары аясында өз тәжірибесімен бөлісу мақсатында 2023 жылдың 3 наурызында «The digitalisation of foreign language learning» аймақтық оқыту мен тәжірибе фестивалін өткізді. Фестивальге барлығы 135 шет тілі мұғалімі қатысты. Сонымен қатар фестиваль аясында «Әлем тілдері» кафедрасының ұйымдастыруымен «Үздік мультимедиалық оқу өнімі» виртуалды байқауы жеңімпаздарын марапаттау өтті.
БӨБЕКЖАЙ-БАЛАБАҚШАЛАРДАҒЫ ӘДІСТЕМЕЛІК СЕМИНАР
28-29 желтоқсан күндері «Мектепке дейінгі және бастауыш білім беру» кафедрасының доценті, п.ғ.к. З.Қашқынбаева Тараз қаласындағы №41 «Айналайын», «Ақүрпек», №35 «Ертөстік», №36 «Бүлдіршін» бөбекжай-бақшаларында әдістемелік семинарлар өткізді. Мектепке дейінгі білім беру мен тәрбие ісінде аталмыш кафедраның профессор-оқытушылармен балабақша мамандарының ынытымақтастықта жасалынған ғылыми-әдістемелік жұмыстардың нәтижесі қорытындыланды. Қазіргі кездегі мектеп жасына дейінгі баланы дамытуға бағытталған жұмыстардағы өзекті проблемалар мен стратегиялық жұмыс жоспарлары талқыланды. Семинар барысында балабақша меңгерушілері, әдіскерлер мен тәрбиешілер мынадай мәселелерге баса назар аударды, олар: біліктілікті арттыру, ғылыми-зерттеушілік құзіреттілікті жетілдіру, заттық-дамытушы орта, оқу-әдістемелік құралдар мен циклограмманы жасауда көптеген келелі ой-пікірлері білдіріп, ұсыныстарын ортаға салды Баланың ұсақ және ірі моторикасын дамытуға бағытталған тәрбиешілердің авторлық инновациялық әдістемелік жұмыс түрлерімен таныстырылды. Сонымен қатар, жыл бойы ынтымақтастықта тығыз жұмыс жасауда біліктілігі мен ұйымдастырушылық қабілеті көрсете білген меңгеруші, әдіскерлер «Ұстаз» институтының директорының алғыс хатымен марапатталды.
РЕСЕЙ МЕН ҚАЗАҚСТАН АРАСЫНДА КОЛЛАБОРАТИВТІ ҒЫЛЫМИ-ЗЕРТТЕУ ЖҰМЫСЫ ЖАЛҒАСУДА
М.Х.Дулати атындағы Тараз өңірлік университеті «Ұстаз» институтының «Педагогика» кафедрасында ҚР Білім және ғылым министрлігімен ресми жарияланған гранттық қаржыландыру бойынша «Жаңа жағдайдағы Қазақстанда педагогикалық білім беру жүйесін жетілдіру: Қазақстан Республикасында қашықтықтан оқытуда болашақ педагогтердің цифрлы құзыреттіліктерін қалыптастырудың технологиялық-әдістемелік аспектілері» (2021-2023 ж.) атты ғылыми жоба жүзеге асуда.
Ғылыми жоба жетекшісі – «Педагогика» кафедрасының меңгерушісі, п.ғ.д., профессор, Халықаралық Ақпараттандыру Академиясының академигі Клара Джайдарбековна БУЗАУБАКОВА.
ҒЫЛЫМ ТАППАЙ МАҚТАНБА, АДАМ БОЛАМ ДЕСЕҢІЗ!
М.Х. Дулати атындағы Тараз өңірлік университетінің Ұстаз институы «Педагогика» кафедрасында «SMART-PEDAGOG» студенттік ғылыми үйірмесі аясында Жамбыл облысының жалпы орта білім беретін мектептің 9-11 сынып оқушылары, колледж және университет студенттерінің қатысуымен «ҒЫЛЫМ ТАППАЙ МАҚТАНБА, АДАМ БОЛАМ ДЕСЕҢІЗ!» атты ғылыми конференция ұйымдастырылды.
Ғылыми конференцияда педагогикалық мамандықты насихаттау мақсатында: мектептердің дарынды түлектерін анықтау; педагогикалық мамандыққа жалпы орта білім беретін мектептердің талантты түлектерін тарту; педагогикалық мамандықты таңдауға ынталандыру; ғылыми-зерттеу жұмыстарын нәтижелі жүргізуге бағыттаудің міндеттерін шешу жүзеге асырылды.
Жаңалықтың жаршылары
Бүгін 24 қарашада «Ұстаз» институтының «Мектепке дейінгі және бастауыш білім беру» кафедрасының ұйымдастыруымен (ПМНО 22-5 академиялық топ студенттері мен кураторы З.Қашқынбаева) «Жамбыл-Тараз» телеарнасының бас режиссері Дана Смайловамен кездесу өтті.
Кездесудің мақсаты – қоғамдағы халық пен биліктің арасындағы ақпараттық байланыс орнататын ақпарат майданының сарбаздарының қызметтерімен таныса отырып, жылдам әрі айшықты мәліметтерімен жаңалықтың жаршысы болып жүрген «Жамбыл-Тараз» телеарнасының ойы ұшқыр, қаламы қарымды мамандарының жұмысымен терең танысу. Сонымен қатар, студенттерге ақпараттық баспасөз құралдарының қазіргі кездегі жұмысы туралы жан-жақты білім мен ертеңіне сенім мен салиқалы өнеге беретін сұхбат жүргізу.
Тіл - татулық тірегі
Ұстаз институтында 5 мен 22 қыркүйек күндер аралығында Қазақстан халықтар тілдер күні мерекесіне орай "Тіл - татулық тірегі" тақырыбында тілдер апталығы өтті.
1989 жылы 22 қыркүйек күні "Тіл туралы" заң қабылданды. Биыл мейрамның жаңа датасы Ахмет Байтұрсынұлының дүниеге келген күніне сәйкестендіріп таңдалып алынған. 1873 жылдың 5 қыркүйегінде қазақ тіл білімімен және әдебиеттануымен айналысқан ағартушы және ғалым Ахмет Байтұрсынұлы дүниеге келді. Ол қазақ тіл білімінің негіздерін, грамматиканың ғылыми терминологиясын жасаған.
Бұл мереке туған тілге деген құрмет мен сүйіспеншілікті, сондай-ақ, өзге ұлттардың мәдениеті мен дәстүрін танып, білуге бағытталған.
Literary challenge: Poems of Language
«Білім берудегі шетел тілдері» кафедрасының аға оытушылары Байбосынова А.С., Тулебаева С.К., Отарова Т.Н. 1-курс студенттері арасында студенттердің шығармашылық қабілетін арттыру мақсатында 19-24 қыркүйек аралығында Қазақстан халықтар тілдер күні мерекесіне орай «Literary challenge: Poems of Language» тақырыбында ағылшын тілінде тіл туралы өлең оқудан жарыс ұйымдастырды.
Тіл туралы өлең оқудан челленджге 1-курс студенттері белсене ат салысты. Студенттер өздері видео үндеу жасап, бір-біріне жолдау жасады. Көрсетілген уақыт аралығында бірнеше жұмыстар келіп түсті. Кафедра шешімімен өте үздік деген 7 видео таңдалып, институттың инстаграм парақшасына жүктеліп, онлайн дауыс беруге ортаға салынды. Дауыс беру 24-26-қыркүйек аралығында жүргізілді. Дауыс беру шарты ең көп лүпіл және пікір жинаған студент байқау жеңімпазы болып анықталды. Аталған уақыт аралығында студенттер белсенділік танытты.
Цифрлы-креативті құзіреттілікті қалыптастыратын гайд-нұсқаулық
ХХІ ғасырда білім беруді экономикалық өсудің жаңа моделінің орталық буынына айналдыру үшін оқыту бағдарламасын сыни ойлау, өз бетімен іздену дағдыларын дамытуға, қашықтықтан да білім алуға бағыттау қажет. Ал халықаралық педагогикалық, кәсіби білім беру орталықтарының тәжірибелерін қазіргі жағдайдағы қазақстандық нарыққа бейімдеу арқылы жаһандық бәсекеге қабілетті цифрлы-креативті құзыреттіліктері жоғары болашақ педагогтер дайындауымыз керек.
Алайда бұл ретте тағы бір мәселе туындайды. Алдымен қашықтықтан білім беру жағдайында болашақ педагогтердің цифрлы-креативті құзыреттіліктерін қалыптастырудың тиімді жолдарын анықталуы тиіс. Сондай-ақ оның нақты әдістемесін жасау қажеттілігі тағы бар.
Подробнее ...
«Шебер қолдар» облыстық шебер- сынып байқауы
М.Х.Дулати атындағы Тараз өңірлік университеті, Ұстаз институты, «Мектепке дейінгі және бастауыш білім беру» кафедрасында студенттерге арналған ғылыми үйірме жұмыс жасайды.
Осыған орай, «Шебер қолдар» үйірме мүшелерінің ұйымдастыруымен 2022 жылдың 3 мамыры күні «Ертегілер еліне саяхат» тақырыбында облыстық шебер- сынып байқауы өтті.
Мақсаты: Тұлғаны шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін дамыту.
ТАҒЫЛЫМ МЕН ТАҒЗЫМ.
12 сәуір – Қазақстанда ғылым саласы қызметкерлерінің күні. 2011 Елбасы Нұрсұлтан Назарбаев жарлық шығарып, 12 сәуірді ғылым қызметкерлерінің күні ретінде бекітті. Мерекені атап өту 2012 жылдан басталды.
Дәл осы күні қазақ академигі, ғалым-геолог әрі Қазақстан ғылым академиясының тұңғыш президенті Қаныш Сәтбаев дүниеге келген.
«Мектепке дейінгі және бастауыш білім беру» кафедрасының профессор оқытушылар құрамы мен студенттері п.ғ.д., профессор Клара Жайдарбекқызымен автордың атаулы аудиториясында «Тағылым мен тағзым» атты кездесу кешін өткізді.
Кеште «Мектепке дейінгі және бастауыш білім беру» кафедрасының меңгерушісі А.Т. Кенжебаева кіріспе сөз сөйлеп, құттықтады.
ЛОГОПЕДИЯ: БАЛАЛАРДЫ ДҰРЫС СӨЙЛЕУДІҢ ЖОЛДАРЫН ЗЕРДЕЛЕЙДІ
«Балалардың сөйлеуі ғылыми құндылыққа ие болуы мен қатар өзінің әдеміліктерімен ерекшеленеді, өйткені оны зерттей отырып, біз балалар ойлауының таңғажайып заңдылықтарын ашамыз.
К.И. Чуковский.
Білім беру үрдісінде логопедияны кіріктіру мектеп жасына дейінгі балалардың
әлеуметтенуіне оң ықпал етеді. Жаңартылған білім беру мазмұны аясында тиімді оқыту жүйесінде логопед жұмысы маңызды. Ол ең алдымен мектеп жасына дейінгі балалардың әр түрлі сөйлеу бұзылыстарын уақытылы анықтау, түзету жалпы білім беретін мектепке сәтті баруға бейімделуі үшін керек.
БАЛҒЫНДЫРҒА ҮМІТ СЫЙЛАҒАН...
Тараз қаласындағы «Үміт» мамандандырылған бөбектер үйінде балғындарға үміт сыйлайған қайырымдылық іс-шарасы өтті. Бұған М.Х.Дулати атындағы Тараз өңірлік университетінің «Ұстаз» институтының «Арнайы және әлеуметтік педагогика» кафедрасының аға оқытушылары Э. Әміркенова мен Г. Оралдың бастамашы болды. Көктемдей қоғамнан жылылық күткен бүлдіршіндер үшін осындай жан жадыратар сәттер аса керек.
Игі бастамаға 6 В01901 «Логопедия» мамандығында оқитын 1-2 курстың студенттері атсалысты. Олар өнер көрсетіп, әннен шашу шашып, балаларға шаттық сыйлады.
ҰЛТТЫҢ БҮГІНІ МЕН КЕЛЕШЕГІ – БЕЛСЕНДІ ЖАСТАРДЫҢ ҚОЛЫНДА
2022 жылғы 24-ақпанда «Педагогикалық психология» кафедрасының ұйымдастыруымен «Бүгінгі қоғамдағы жастар келбеті» тақырыбында дөңгелек үстел өткізілді. Аталған іс-шараға «Жамбыл облыстық тұрмыстық зорлық-зомбылық құрбандарына әлеуметтік көмек көрсету» орталығының директоры Калыбекова Жамал Дуйсембаевна, кафедраның профессор-оқытушылар құрамы, магистранттар және студенттер қатысты.
Қазіргі қоғамда жастардың психологиялық дамуы, сапалы білім алуы және қоғамда өз орнын табуы сияқты өзекті мәселелер тұлғалық қалыптасуға әсер етеді. Орталық директоры Ж.Калыбекова бірнеше бағыттарда жүргізілетін жұмыстар: тұлғаны психологиялық диагностикалау және тексеру, әлеуметтік-психологиялық патронаж (жүйелі түрде қадағалау), көрсетілетін қызметтерді алушылармен психологиялық-профилактикалық жұмыс, психологиялық консультация беру, психологиялық түзету және т.б. туралы айтып өтті. Кафедра меңгерушісі Сматова К.Б., аға оқытушы Қарабекова А.Ж. жастардың мәдени-рухани өмірі, отбасы психологиясы, мінез-құлық стереотиптері, жанжалды қарым-қатынас және т.б. әлеуметтік, психологиялық-педагогикалық мәселелер аясында өз пікірлерін білдірді. Ұлттың бүгіні мен келешегі – белсенді жастардың қолында дейтін болсақ, ұлттың рухани құндылықтарын бойына сіңірген ұрпақ ғана ел болашағын қалыптастыра алады.
ТӘРБИЕШІНІҢ МІНДЕТІ – ТӘЛІМ БЕРУ
Кез келген нәрсеге арнайы өлшеммен қарасақ, кәсіби тұрғыдан мамандарға жүктелер мақсат-міндеттердің кең ауқымын тізіп шығуға тура келеді. Балабақша тәрбиешісінің де жауапкершілігі жоғары. Алайда терминдік тұрғыдан емес, өзара қарым-қатынастар, бала мен тәрбиеші арасындағы байланысты мейірім, сенім дейтін сезімдермен байланыстырсақ, бүгін ХХІ ғасыр тәрбиешісі жүктелер міндеттің ауқымы кеңейе түседі.
М.Х.Дулати атындағы Тараз өңірлік университетінде «Мектепке дейінгі және бастауыш білім беру» кафедрасы ұйымдастырған «Мектепке дейінгі тәрбие мен білім беру мамандарын даярлау» білім беру студенттерінің педагогикалық практикасы бойынша «ХХІ ҒАСЫР ТӘРБИЕШІСІНІҢ МИССИЯСЫ» атты республикалық онлайн-семинар да осы мәселелер сөз болды. Онлайн жиынға Жамбыл, Түркістан, Қызылорда облыстарының балабақша әдіскерлері, тәрбиешілері және мектепалды даярлық топтарының педагогтары; профессор-оқытушылар құрамы мен студенттер қосылып, өзара пікір алмасты.