Осы мақсат барысында Ұстаз институты кафедралар төмендегідей мерекелік іс-шаралар мен зияткерлік сайыстар өткізді.
- «Мектепке дейінгі және бастауыш білім беру» кафедрасының ұйымдастыруымен профессор-оқытушылар құрамы мен студенттер арасында «Тіл тағдыры-ұрпақ тағдыры» атты әдеби сазды кеші өтті. Кеш қонағы Халықаралық Қазақ тілі қоғамының Жамбыл облысы бойынша филиалының төрайымы, «Анаға тағзым» орталығының басшысы Эльмира Мырза Ғали болды.

- "Орыс тілі мен әдебиеті" кафедрасы "Анамның тілі - айбыным менің" тақырыбында семинар -тренингін "Анаға тағзым" орталығында тартымды өткізе білді;
- "Педагогикалық психология" кафедрасы
«Тіл мерейі - ел мерейі» тақырыбында ашық тәрбие сағатында тілдер мерекесінің шығу тарихы, сонымен қатар өзге тілдердің қалай пайда болғаны жайлы айтылды. Сонымен қатар викториналық ойындармен жалғасып, студенттер тілге байланысты ой-пікірлерімен бөлісті;

- "Қазақ тілі мен әдебиеті" кафедрасы "Тіл тұғыры - ұлт ғұмыры" атты зияткерлік сайысы қызықты әрі тартысты өтті. Әуелі өз топтарын таныстырып, «Ой – көкпар» деп аталатын екінші кезеңде «Жұмбақ – жақсы жымдасқан метафора», «Мақал – сөздің мәйегі», «Жаңылтпаштан жаңылма», «Шешендік сөз өнері», «Мен – студентпін!» бағыттары бойынша деңгейлік ұяшықтарды таңдау арқылы сұрақтарға жауап беріп, ұпайы жоғары болған топтар түрлі дәрежедегі дипломдармен марапатталды.