Қайырымды іс - асыл қасиет
«Қайырымдылық жасасаң, қайырын өзің көресің» дейді халқымыз. Адам бойындағы ең жақсы қасиет – жомарттық пен кеңпейілділік. Жомарт болу дегеніміз қолыңдағы барыңмен мұқтаж адаммен бөлісу. Жомарт адам бойындағы ізгі қасиетін, таза ниетін, адамгершілік қарым-қатынасын көрсетіп, әрдайым қажет еткен жанға көмек қолын созып жүреді. Қайырымдылық жасау кез келген адамның қолынан келетін іс. Ондай адам рухани құндылықтарды материалдық құндылықтардан жоғары қояды. Өзінің жанашырлығы мен таза ниетімен ерекшеленеді. Мұқтаж адамдардың қажеттіліктеріне немқұрайлы қарамай, оларға барынша көмек көрсетуге тырысады. Осыған орай Жаратылыстану ғылымдары факультеті, «Биология» кафедрасының ұйымдастыруымен 2 және 3 курс студенттері кураторларымен №3 «Мейірім» мектеп-интернатына барып, мүмкіндігі шектеулі балаларға қамқорлық көрсетті. Сыйлықтар беріп, арнайы аниматорлық костюмдермен ойындар ойнатып, ерекше көңіл-күй сыйлап қайтты.
Кәсіби-бейіндік жұмыстары
2022 ж. –2023 ж.«Өнер және спорт» факультеттің ПОҚ кәсіби-бейіндік жұмыстары өздеріне бекітілген аудан және қала мектептеріне кәсіптік бағдар жұмысын оқу орындарында жүргізілді.
Сәуір болмай, тәуір болмас
«Өнер және спорт» факультеті,«Музыка және қолданбалы өнер» кафедрасының 6В01403-«Көркем еңбек және сызу мұғалімдерін даярлау» білім беру бағдарламасының 1-курс студенттері ХТЧ-22-1 3/5 топтарының «Сәуір болмай, тәуір болмас» атты ашық тәрбие сағаты 14.04.2023 ж.куратор п.ғ.м.,аға оқытушы Таттибаева Гулжан Берликовнаның жетекшілігімен өтті. Ашық куратор сағаттарында студенттеріміз рухани адамгершілік тұрғысынан, тәрбие жұмысын ұйымдастыруда ұлттық салт-дәстүр, наным, сенім құндылықтарымызды өз бойларынан өткізіп, келешекте педагог қызметін атқарғанда тәрбие іс-шараларын шебер,сауатты ұйымдастыру мақсатында әр студент шығармашылық қабілеттерін көрсетіп машықтанып шыңдылады.
Наурыз берекем, Наурыз мерекем!
16 наурыз М.Х. Дулати атындағы Тараз өңірлік «Дизайн және сән индустриясы» кафедра оқытушылар құрамы мен студенттерінің ұйымдастыруымен кафедра фойесінде «Наурыз берекем, Наурыз мерекем!» атты іс-шарасы өтті.
«Әз-Наурыз» мерекесіне кафедра оқытушылары мен студенттері қатысты. Наурыз тойын Уалиев Болыс Матмұсаұлы бата беріп ашты. Жыл басы Наурыздың келуімен құттықтады.
Наурыз тойын тойлауға барлық студенттер түгел жиналып, мол дастархан әзірлеп, үлкен дайындықпен келген. Ең басты тағам Наурыз көже мен ұлттық сусын шұбат, қымыран барша келген қонақтарға таратылды. Қазақтың ұлттық мейрамы Ұлыстың ұлы күні Әз-Наурызға студенттер ерекше дайындықпен әсемденіп, өз елінің ұлттық киімі мен ұлттық ас мәзірін арнайы дайындап әкелген. Сонымен қатар, алаңда мереке қонақтарына арнайы дайындалған қолөнер шеберлерінің дүниелері, кәде-сый заттарынан көрме қатары да болды.
Қоғамдық қабылдау күні өтті
30.03.2023ж. 10.00-12.00 уақыт аралығында М.Х.Дулати атындағы Тараз өңірлік университетінің "Өнер және спорт" факультетінің деканы М.К.Нурпеисов студенттермен ата-аналарға қоғамдық қабылдау күнін өткізді. Қоғамдық қабылдау барысында студенттер мен ата-аналар өз сұрақтарын қойып, ұсыныс-пікірлерін білдірді. Атап айтар болсақ: университет тарапынан берілетін жеңілдік түрлері, кезеңдері, ғылыми жұмыс - ғылыми жобалар, ғылыми мақала шығару мүмкіндіктерімен артықшылықтары, ғылыми журналдар, факультеттегі студенттер үшін үйірмелер жұмысы, басқа ЖОО ауысу, басқа білім беру бағдарламаларына ауысу, мемлекеттен бөлінетін гранттар, жатақханаға онлайн өтініш беру, академиялық демалыс алу себептері т.б. сұрақтар қамтылды. Студенттер мен ата-аналардың қойылған сұрақтарына факультет деканы толық жауап берді, қоғамдық қабылдау ашық және көңілді өткізілді.
Тазалық – табалдырықтан басталады
«Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті.
Наурыздың 4 жұлдызында Тараз қаласындағы М.Х. Дулати атындағы Тараз өңірлік университетінің аумағында сенбілік жұмыстары жүргізілді. Сенбіліктің басты мақсаты экологиялық мәдениетті сақтай отырып университет аумағына тазалық жұмыстарын жасау. Сенбілікке «Өнер және спорт» факультетінің қызметкерлері бір кісідей атсалысып, әрбір ұжым бөлінген аумақтарда, көшелерде тазалық жұмыстарын жүргізді.
Жас дизайнер - 2023
2 наурыз күні “Дизайн және сән индустриясы” кафедрасында “Жас дизайнер - 2023” байқауы өтті. Байқауға 6В02112 - Жарнама дизайны1-4 курс студенттері қатысты. Байқау әділ қазы төрағасы “SAMGAU” компаниясының директоры Бикеев Айдос Муратович болды. 1-2 курс аралығында шығармашылық бастама “Салауатты өмір салты” тақырыбында логотип салды. Әділ қазылар салынған эскиздерді сараптап жеңімпаздарды анықтады.
Жас дизайнер -2023
1 наурыз күні “Дизайн және сән индустриясы” кафедрасында “Жас дизайнер -2023” байқауы өтті. Байқауға 6В02111- Сән дизайны 1-4 курс студенттері қатысты. Байқау әділ қазы төрайымы “Сагила” сән ательесінің директоры кафедрамыздың жұмыс берушісі Сагилаева Гульмира Амангельдиевна болды. 1-2 курс аралығында шығармашылық бастама “Жануарлар әлемі” тақырыбында коллаж техникасымен эскиздер салынды. Әділ қазылар салынған эскиздерді сараптап жеңімпаздарды анықтады.
Мейірім мен достықтың мерекесіне айналды...
Елімізде көктемнің алғашқы күнінде Алғыс айту мерекесі 2016 жылдан бері атап өтіледі. Бұл күн тағдырдың тәлкегімен елімізге қоныс аударған түрлі этнос өкілдері ауыртпалықты бірге көтеріп, қиын-қыстау кезеңдерде қуаныш-қайғыны бөлісіп, пана бола білген қазақ халқына алғыс айтатын күн..
Дәл осы күнде Қазақстан Ассамблеясының құрылуыда тегін еместі. Көп ұлтты зайырлы мемлекет ұстанымы мен символы - бейбіт өмір мен достық. Уақыт өте келе Алғыс айту мерекесінің актуалды тұстары мен көптеген жағымды жақтары барын аңғарамыз. Бұл мерекенің астарында адами құндылықтарымызбен қасиеттерімізді жандандыру, жаңғырту мәселелері жатыр. Бұл күн барлық қазақстандықтардың бір-біріне мейірім, достастық және махаббат таныту мерекесі болып қалыптасты. Рухани адамгершілікті, сыйластықты алмағайып заманда адамзат бір бірімен ұлт пен ұлысқа бөлінбей бірігу қажеттілігінің маңызын түсінді.
Қарттарын қадірлеген ел ардақты
«Өнер және Спорт» Факультетінің жиі өткізілетін Рухани адамгершілік пен патриоттылыққа, еңбекқорлық пен парасаттылыққа тәрбиелейтін қайырымдылық іс-шаралар әр қашанда өз жалғасын тауып отырады. Жуырда осы бағыт бойынша «Музыка және қолданбалы өнер» кафедрасының ұстаздары мен студенттерінің қатысуымен №1 Арнаулы әлеуметтік қызметтер ұсыну Орталығының әкімшілік мекемеде "Қарттарын қадірлеген ел ардақты" атты қайырымдылық мәдени іс-шара өтті. Аталған іс шарада Ұлт аспаптар оркестрінің оырндауындағы Халық композиторлар туындылары мен жекелеген студенттерден құралған "Нұр" триосының «Ауылға». «Шәмші әндері», талантты әнші лер Керімқұлова Жанар мен Қалдар Мұқасанның заманауи патриоттық әндері тыңдаушыларды баурады. Концертке келген үлкендер мен қариялар өз ризашылықтарын білідрді. Ұйымның басшысы Кушанова Гүлжаухар Ушкемперировна «Өнер және спорт» факультетінің ұжымына толаға табыстар тілеп, іс шара ұйымдастырып белсене ат салысқаны үшін алғыс хатмен марапаттады.
Танымал жандар
Жуырда Тараз қалалық ардагерлер кеңесінің жанынан құрылған «Аналар алқасы » ұйымындағы танымал тұлғалар , халық арасында жоғары беделге ие ел аналары кезекті жиынын М.Х. Дулати атындағы Тараз Өңірлік Университетінің «Музыка және қолданбалы өнер» кафедрасының студенттерімен өткізді
«Қыздар тәрбиесінде қазақ халық қағидаларын қолдану» атты ашық тәрбие сағағатында педагогика ғылымдарының докторы, профессор Сарыбекова Жанат Төленқызы бастаған және жоғарғы санаттағы заңгер Абдрахманова Кулзипа Бекбауқызы, денсаулық саласының үздігі «Алтын дәрігер» Абылғазина Жұмакүл Даулетқызы өмірлік ұстанымдар мен мәні тереңде жатқан ұлттық рухани құндылықтар жайлы әңгімелеп берді.
«БАБАЛАР МҰРАСЫ-2022» III-ШІ ХАЛЫҚАРАЛЫҚ СТУДЕНТТЕР АРАСЫНДАҒЫ СӘН ФЕСТИФАЛЬ-БАЙҚАУЫНЫҢ ЖЕҢІМПАЗДАРЫ
Номинациялар бойынша дипломдар
Бас-жүлде:
Пернебек Альфия, Наурызбаева Мадина, Айдаралы Айдана, Бейсеғұл Айым.
Ғылыми жетекшілер: Келесова Уржамал, Жаппарова Акмарал, Каликулова Айнур
Жеңістеріңізбен құттықтаймыз!
«Қазақ ұлттық қыздар педагогикалық университеті» КеАҚ 2022 жылдың 26-27 сәуірінде ,Қазақстан Республикасы Білім және ғылым министрлігі бекіткен іс-шаралар шеңберінде, 5B012000-Кәсіптік оқыту білім беру бағдарламасы бойынша жоғары оқу орындары студенттерінің ХIV Республикалық пәндік олимпиадасына, М. Х. Дулати атындағы Тараз өңірлік университеті КеАҚ,«Өнер және спорт» факультеті, «Музыка және қолданбалы өнер» кафедрасынан п.ғ.м., аға оқытушы Таттибаева Гулжан Берликовнаның ғылыми жетекшілігімен, 5В012000 –«Кәсіптік оқыту» мамандығының
ПО-18-1 тобының 4-курс студенттері:
Бүгінгі елеулі еркіндік
Мемлекетіміздің астанасы – Нұр-Сұлтан шаhарында Қазақстан халқы Ассамблеясының ХХХ сессиясы өтті. Биыл Президентіміздің ұсынысы бойынша ҚХА-ның екі сессиясы қатар өтуде.
ХХХ сессия өте жоғары, оң деңгейде өтті десем қателеспеймін. Сессияның өткізілу тәртібі түбегейлі өзгерген, өте қызықты, әрі еркін форматта өтті десек те болады.
Аталмыш іс-шараның өткізіліуі бірнеше секцияға бөлінген. Әр бөлімде тұлғалы спикерлер сөз сөйледі. Мәселен, олардың қатарында ҚР Парламентінің депутаттары, қоғам қайраткерлері, үкіметтік емес ұйым өкілдері, ҚХА мүшелері болды.
Бұл сессия сайлау үрдісі бойынша өткізілгендіктен, ҚХА депутаттығына үміткер кандидаттарға дауыс берілді. Сайлау нәтижесінде Алматы облыстық Ұйғыр этномәдени орталығының өкілі, ұйғыр бауырымыз Зәкіржан Кузиев жеңіске жетті.
Маман даярлаудағы талаптар талқыланды
М.Х.Дулати атындағы Тараз өңірлік университетінде «Болашақ мамандардың кәсіби құзырлығын дамыту жолдары» тақырыбында республикалық семинар өтті. Семинарға облыстық Асқар Тоқпанов атындағы қазақ драма театрының көркемдік жетекшісі, Қазақстан Республикасының Мәдениет қайраткері, халықаралық театр фестивальдарының лауреаты Анар Сағымбекова, «Мәдениет және өнер» кафедрасының доценті, Қазақстан Республикасының Еңбек сіңірген артисі, Қазақстан Журналистер одағының мүшесі, Қазақстанның Құрметті журналисі Асқарбек Сейілханов, Махамбет Өтемісов атындағы Батыс Қазақстан университеті, «Мәдениет және өнер» факультетінің тәрбие ісі жөніндегі декан орынбасары, аға оқытушы, магистр Абылқайыр Еслямғалиев, «Театр және эстрадалық шығармашылық» кафедрасының меңгерушісі Қарлығаш Жолдасбекова қатысты.
СТУДЕНТТЕР ПАРАЛИМПИАДА ЧЕМПИОНЫ ЗУЛЬФИЯ ГАБИДУЛЛИНАМЕН КЕЗДЕСТІ
Дулати университетінің «Өнер және спорт» факультетінде «Дене шынықтыру және спорт» мамандығының студенттері паралимпиада чемпионы Зульфия Габидуллинамен кездесті. Іс – шараны «Өнер және спорт» факультетінде тәрбие іс жөніндегі декан орынбасары Жанар Бекбергенова ұйымдастырып өткізді.
Зульфия Раухатқызы Қазақстандық паралимпиада спортшысы, жүзуден Қазақстан Республикасының халықаралық дәрежедегі спорт шебері, Қазақстан Паралимпиада құрамасының капитаны.
2016 жылдың қыркүйек айында Зульфия Габидуллина Қазақстанға Рио-де-Женейрода өткен егемен мемлекет тарихындағы 100 метр қашықтықта еркін стильде жүзуден алғашқы паралимпиадалық медальді сыйға тартты. 2016 жылы ол Рио-2016 Үздік 3 әйел спортшыларының тізіміне енді. Токио-2021 жазғы Паралимпиада ойындарының қатысушысы. II дәрежелі «Барыс» орденімен марапатталған (2016 жылғы 13 желтоқсан), Жамбыл облысының Құрметті азаматы.
ЕРТЕҢ СҰРАНЫСҚА ИЕ БОЛУ ҮШІН ОҚУҒА ҚАЙДА БАРУ КЕРЕК?
М.Х. Дулати атындағы Тараз өңірлік университетінде эстетикалық, мәдени тәрбиені қалыптастыруға, студент жастардың шығармашылық ойлауын дамытуға, мәдениетке, эстетикаға тартудың жүйелі тәсілдемесіне, өнерді, кескіндеме өнерін тануға ұмтылуға, көркемдік талғамын, сән, дизайн, эстетика, стиль туралы түсініктерді дамытуға көп көңіл бөлінеді.
Осыған байланысты, сондай-ақ студенттердің ғылыми-зерттеу жұмыстарын ұйымдастыру мақсатында «Өнер және спорт» факультетінің «Дизайн және сән индустриясы» кафедрасында 120 студент арасында келесі бағыттар бойынша жұмысты ұйымдастыратын «Өнер және дизайн» студенттік ғылыми үйірмесі құрылды: Студенттік модельдер үйі, Бейнелеу өнері және Сәндік-қолданбалы шығармашылық, Дизайндағы декор, Бренд өнері.