«Маскүнемдік пен нашақорлық – қылмыстар мен оқиғалардың көзі, ВИЧ инфекциясын жұқтыруды тудыратын жайлар» тақырыбында студенттермен әңгіме өткізу
2022 жылғы 6 мен 12 сәуір аралығында әскери кафедра студенттерімен «Маскүнемдік пен нашақорлық – қылмыстар мен оқиғалардың көзі, ВИЧ инфекциясын жұқтыруды тудыратын жайлар» тақырыбында студенттермен әңгіме өткізілді.
Цикл бастығы, запастағы подполковник Д.Ж. Калилаев студенттерге есірткіні қолданудың салдары туралы айтып берді, алкогольдің зиянды әсері туралы білімдерін айтарлықтай кеңейтті, ВИЧ инфекциясын жұқтырудың ықтимал жағдайлары, оның пайда болу себептері туралы әңгімеледі.
Әңгіменің мақсаты: қазіргі әлемде мәселенің өзектілігін көрсету, студенттердің өзін-өзі тану арқылы салауатты өмір салтына деген қызығушылығын ояту.
Мектеп оқушыларымен кәсіптік бағдар беру жұмысы
2022 жылғы 12 сәуірде әскери кафедрада Тараз қаласының № 39, 45, 60 мектеп оқушыларымен 37 адам көлемінде кәсіби бағдар беру жұмысы жүргізілді.
Кәсіптік бағдар беру жұмысы барысында оқушылар әскери кафедраның оқу материалдық-техникалық базасымен танысты.
ЕСТЕЛІК ДӘРІСІ
2022 жылғы 12 сәуірде әскери кафедраның аға оқытушысы, отставкадағы подполковник Ұ.Ж. Жұмабеков студенттерге «Қазақстан Республикасының бірінші Қорғаныс министрі, Халық Қаһарманы С. Нұрмағамбетов» атты тақырыпта дәріс өткізді.
Отставкадағы подполковник Ұ.Ж. Жұмабеков өз сөзінде ел үшін қиын уақытта әскер басқарған Сағадат Қожахметұлы өмірінің жарқын сәттері туралы айтып берді. Дәріс соңында қатысушыларға «Қазақстандықтар – Кеңес Одағының Батыры» фильмі көрсетілді.
ЖАСЫЛ ЖЕЛЕК ЖАНҒА САЯ
Көктем шыға айналаны абаттандыру, шыбық шаншып, тал егу – игі іс. Оның пайдасын көп көреді.
«Бір тал кессең, он тал ек» қағидасын мықтап ұстанған халқымыз үшін тал егу - маңызды істің бірі. М.Х.Дулати атындағы Тараз өңірлік университетінің әскери кафедрасының офицерлері де осы дәстүрден жаңылмай, Айша бибі полигоннына тал отырғызды.
Жалпы барша жұртты жұмылдыратын тал егу жұмысы арқылы балалардың табиғат-анаға, күллі жаратылысқа деген ықыласын оятады. Табиғатпен үйлесімділікке үндейді.
Жасыл желек жанға сая. Ауаны тазартып, қолайлы микроклимат қалыптасады және шу деңгейі төмендетеді.
ҚР ӘСКЕРИ ДОКТРИНАСЫН СТУДЕНТТЕРГЕ ТАНЫСТЫРУ
2022 жылдың 16-наурызында әскери кафедра студенттерімен Қазақстан Республикасының Әскери доктринасымен таныстыру сабағы өткізілді.
Цикл бастығы, запастағы подполковник Д.Ж. Калилаев студенттерді ҚР Әскери доктринаның негізгі ережелерімен таныстырды.
«ЖАСТАРДЫ ӘСКЕРИ-ПАТРИОТТЫҚҚА ТӘРБИЕЛЕУДІҢ ЗАМАНАУИ АСПЕКТІЛЕРІ» ТАҚЫРЫБЫ БОЙЫНША ӘҢГІМЕ ЖҮРГІЗУ.
2022 жылдың 17 наурызында әскери кафедра студенттерімен «Жастарды әскери-патриоттыққа тәрбиелеудің заманауи аспектілері» тақырыбы бойынша әңгіме жүргізу өткізілді.
Цикл бастығы запастағы подполковник Ж.П Наурызбаев тыңдаушылардың назарына патриоттық тәрбие берудің мақсаты – өз Отанын сүйетін, Отанына адал, оған бар ынтасымен қызмет ететін және оның мүдделерін қорғауға дайын патриотты тәрбиелеу екенін жеткізді.
ӘЛЕУМЕТТІК-ПСИХОЛОГИЯЛЫҚ ҚҰБЫЛЫС – ҚОҒАМ ДЕРТІ
Қазіргі қоғамдағы дертті жағдайдың бірі – өз-өзіне қол жұмсайтындардың көбейіп бара жатқаны. Мамандар мұны әлеуметтік-психологиялық құбылыс деп анықтама бергенімен, бұл түйткілдің астары терең зерделеуді қажет ететін секілді.
14 наурыз күні Дулати университетінің әскери кафедрасында өткен «Өзіне-өзі қол жұмсау бұл әлеуметтік-психологиялық құбылыс. Суицидтік әрекеттерді жасаудың себептері мен шарттары» тақырыбындағы дәрісте осындай өзекті мәселелер айтылды.
Кафедраның аға оқытушысы отставкадағы подполковник У. Жұмабеков студенттерге қай кезде де сабыр сақтаудың маңызды екенін түсіндірді. Адам ашуға булығып тұрған сәтте жан-жағын жайпап жібермейінше жаны тынышталмайтындай көрінгенімен, біраз уақыт өткен соң, оның соншалықты мәні болмайтынын түсінеді. Қазіргі термин сөзбен жеткізсек, стресске төзімділікті арттыру, психикалық денсаулықты қолдау және нығайту, өзін-өзі реттеудегі тиімді мінез-құлық стратегияларының қарапайым баламасы – сабыр сақтау.
МЕМОРИАЛДЫҚ ТАҚТА – ЕСТЕ ТҰРАР ЕСКЕРТКІШ
2022 жылғы 18 ақпанда М.Х. Дулати атындағы Тараз өңірлік университетінің М.Ф. Үркімбаев атындағы жастар сарайында «Бүркіт» полициямен бірлескен студенттік жасағы ғалым, мемлекеттік және қоғам қайраткері, техника ғылымдарының докторы, профессор, халықаралық және Ұлттық Инженерлік академиясының академигі Марс Фазылұлы Үркімбаевқа арналған мемориалдық тақтаның салтанатты ашылу рәсіміне қатысты.
Іс-шарада облыс әкімінің орынбасары Дәулет Кәрібек, Басқарма Төрағасы-университет ректоры Талғат Ешенқұлов, Жамбыл облысының Құрметті азаматы Сағынхан Әміреқұлов, Қазақстан Ұлттық Академиясының академигі Өскенбай Мәдиев, Тараз қалалық мәслихатының хатшысы Батырбек Құлекеев сөз сөйледі.
Рәсім гүл шоқтарын қоюмен аяқталды.
ИНТЕРНАЦИОНАЛИСТ ЖАУЫНГЕРЛЕРДІ ЕСКЕ АЛУ КҮНІ
Осыдан отыз үш жыл бұрын 1989 жылдың 15 ақпанында Кеңес әскерлерінің шектеулі контингентін Ауғанстаннан шығару басталды. Осы атаулы күнге орай 2022 жылдың 15 ақпанында әскери кафедрада студенттермен ерлік сабағы өтті. Бұл тақырыптық іс-шараға Ауған соғысының ардагерлері запастағы полковник Ж.М. Салиев, запастағы аға сержант Т.Т. Жүнісалиев, запастағы қатардағы жауынгерлер Д. Ботантаев және Б. Ақшалов шақырылды.
Соғыс қимылдарына қатысушылардың сөйлеген сөздері Ауған оқиғалары туралы деректі фильм көрсетілімімен сүйемелденді. Интернационалист жауынгерлер үшін әскери кафедраның студенттері мерекелік концерт дайындап, қабырға газетін шығарды.
СТУДЕНТТЕРГЕ «ҚАЗАҚСТАН РЕСПУБЛИКАСЫНЫҢ ҚОРҒАНЫСЫ ЖӘНЕ ҚАРУЛЫ КҮШТЕРІ ТУРАЛЫ» ЗАҢЫН ЖЕТКІЗУ.
2022 жылғы 14 ақпанда запастағы подполковник Д.Ж. Қалилаев студенттерге «Қазақстан Республикасының қорғанысы және Қарулы Күштері туралы» ҚР Заңының негізгі ережелерін жеткізді, студенттерге заңның Қазақстан Республикасының қорғанысы мен Қарулы Күштерін ұйымдастыру саласындағы қоғамдық қатынастарды, елдің қорғаныс қабілетін қамтамасыз етудегі мемлекеттік органдардың функциялары мен өкілеттіктерін, азаматтар мен ұйымдардың қорғаныс саласындағы құқықтары мен міндеттерін реттейтінін түсіндірді.
КӘСІБИ ДАЯРЛАУ
Әскери кафедраның 2021-2022 оқу жылына бекітілген жоспарына сәйкес, 2021 жылдың 29 желтоқсанынан 2022 жылдың 6 қаңтарына дейін жоғарыда аталған сабақтар толық көлемде жақсы әдістемелік деңгейде өткізілді.
ЖАҢА ЖЫЛМЕН ҚҰТТЫҚТАУ!
БАУЫРЖАН МОМЫШҰЛЫНЫҢ ТУҒАН КҮНІНЕ АРНАЛҒАН ІС-ШАРА
2021 жылдың 24 желтоқсанында «Болашақ сардар» әскери-патриоттық клубының мүшелері Кеңес Одағының Батыры, қазақ халқының аты аңызға айналған ұлы, қолбасшы Бауыржан Момышұлының туған күніне орай ескерткішіне гүл шоқтарын қойды.
Салтанатты шараға «Оңтүстік» өңірлік қолбасшылығы әскерлерінің қолбасшысы генерал-майор К.С. Қарақұлов, «Оңтүстік» өңірлік қолбасшылығы әскерлері қолбасшысының орынбасары полковник О.К. Кучуков, сондай-ақ Қарулы Күштердің ардагерлері: А.Б. Жарболов, А.Р. Қазиев, А.К. Ерниязов қатысты.
Салтанатты шараға қатысушылар батыр Бауыржан Момышұлын бір минут үнсіздікпен еске алды.
ТӘУЕЛСІЗДІК КҮНІНЕ ОРАЙ МАРАПАТТАУ
Қазақстан Республикасының Тәуелсіздік күні қарсаңында Дулати университетінде Тәуелсіздіктің 30 жылдығына арналған салтанатты іс-шара өтті. Оған «Нұр Отан» партиясы Жамбыл облыстық филиалы төрағасының бірінші орынбасары Дауыл Бейсенқұлов, М.Х. Дулати атындағы Тараз өңірлік университетінің Басқарма Төрағасы – Ректор Талғат Ешенқұлов, әскери кафедраның офицерлері мен студенттері қатысты.
Салтанатты іс-шарада полковник С. Мұқышев – білім беру жолындағы қажырлы еңбегі үшін «Нұр Отан» партиясының құрмет грамотасымен, запастағы подполковник М. Әлібеков – Жамбыл облысының әкімі Б. Сапарбаевтың алғыс хатымен, запастағы майор К. Оңалбеков – «Өскелең ұрпақты оқыту мен тәрбиелеудегі елеулі табыстары» үшін төсбелгімен, отставкадағы подполковник Ұ.Ж. Жұмабеков – М.Х. Дулати атындағы Тараз өңірлік университетінің Басқарма Төрағасы – Ректордың алғыс хатыменектордың марапатталды.
Сондай-ақ мерекеге әскери кафедра офицерлері қабырға газетін шығарды.
БАУЫРЖАН МОМЫШҰЛЫ-ҚАЗАҚ ХАЛҚЫНЫҢ БАТЫРЫ!
М.Х. Дулати атындағы Тараз өңірлік университетінің әскери кафедрасында орта мектеп, колледж оқушылары мен университет студенттерін әскери-патриоттық тәрбиелеу бойынша іс-шаралар үнемі өткізіліп тұрады.
Әскери қолбасшы, Кеңес Одағының Батыры, қазақ халқының аты аңызға айналған ұлы Бауыржан Момышұлының туған күніне орай, 2021 жылдың 9 желтоқсанында аға оқытушы, запастағы полковник К.Ш. Сағымбаев әскери кафедраның студенттерімен «Отан үшін отқа түс – күйейсің»тақырыбында әңгіме өткізді.
Әңгіменің мақсаты: қазақ халқының көрнекті қайраткері Бауыржан Момышұлының өмір жолын қазіргі заман тұрғысынан жан-жақты және терең қарастыру, халық батырының адамгершілік мұрасы арқылы Қазақстан Республикасының жастарын патриоттық тәрбиелеу.
ЖАУЫНГЕРЛІК ДАЙЫНДЫҚ НОРМАТИВТЕРІН ҮЗДІК ОРЫНДАУҒА АРНАЛҒАН БАЙҚАУ
2021 жылдың 29 қарашасы 3 желтоқсан аралығында Қазақстан Республикасының Тәуелсіздігінің 30 жылдығын мерекелеу қарсаңында «М.Х. Дулати атындағы Тараз өңірлік университет» КЕАҚ әскери кафедрасында әскери кафедра студенттері арасында «Жауынгерлік даярлық нормативтерін үздік орындау бойынша байқау» өткізілді.
Байқау қорытындысы бойынша үздік нәтиже көрсеткен студенттер мадақтамалармен марапатталды:
№ 1 оқу орны - АК - 74 Калашников автоматын толық емес бөлшектеу және құрастыру.
1 орын - Шермаханбетов М.Г. (811 оқу взводы, куратор запастағы полковник С.В. Насекин.)
№ 2 оқу орны - жалпы әскери қорғаныс жиынтығын ОЗК және газтұмылдырықты кию.
ҚАЗАҚСТАН РЕСПУБЛИКАСЫНЫҢ ТҰҢҒЫШ ПРЕЗИДЕНТІ Н.Ә. НАЗАРБАЕВТЫҢ ТАРИХИ РӨЛІ, ЕҢБЕГІ МЕН ҮЛЕСІ
2021 жылдың 24 мен 30 қараша аралығында әскери кафедраның акт залында студенттермен «Қазақстан Республикасының Тұңғыш Президенті Н.Ә. Назарбаевтың тарихи рөлі, еңбегі мен үлесі» тақырыбында дөңгелек үстел өткізілді. Отставкадағы подполковник, аға оқытушы Ұ.Ж. Жұмабеков Нұрсұлтан Әбішұлы Назарбаевтың тәуелсіз егеменді мемлекеттің қалыптасуы мен дамуына қосқан тарихи рөлі, сіңірген еңбегі және орасан зор үлесі туралы айтып берді.
Мақсаты: Қазақ халқының көшбасшысы, Қазақстан Республикасының Тұңғыш Президенті Н.Ә. Назарбаев туралы білімдерін кеңейту.
Әскери кафедра студенттері Қазақстан Республикасының Тұңғыш Президенті күніне арналған қабырға газетін шығарды.
ПОЛИЦИЯҒА КӨМЕК КӨРСЕТУ ЖАСАҒЫНА НҰСҚАУЛЫҚ ӨТКІЗУ
2021 жылдың 4 қарашасында «М.Х. Дулати атындағы Тараз өңірлік университеті» КЕАҚ әскери кафедрасында полицияға көмек көрсету студенттік жасағының жетекшісі запастағы подполковник А.А. Дүйсенбаев арасында құқықтық тәртіп талаптарын, қауіпсіздік шараларын сақтау бойынша екінші және үшінші курс студенттеріне нұсқаулық өткізді.
Жетекші студенттерге оқу жылы бойы полицияға көмек көрсету студенттік жасағының жұмысы бойынша негізгі ережелерді жеткізді.
Подробнее ...
«МАСКҮНЕМДІК ЖӘНЕ НАШАҚОРЛЫҚ ОҚИҒАЛАР МЕН ҚЫЛМЫСТАРДЫҢ КӨЗІ» ТАҚЫРЫБЫНДА СТУДЕНТТЕРМЕН ӘҢГІМЕ
2021 жылдың 17 қараша күні әскери кафедра студенттерімен маскүнемдік және нашақорлық оқиғалар мен қылмыстардың көзі, адамның иммун тапшылығы вирусы (АИТВ) - инфекциясын жұқтырудың ықтимал жағдайлары туралы әңгіме өткізілді.
Аға оқытушы, отставкадағы подполковник Ұ.Ж. Жұмабеков студенттерге есірткіні қолданудың салдары туралы айтып берді, сондай – ақ, ішімдіктің зиянды әсері туралы білімдерін айтарлықтай кеңейтіп, АИТВ инфекциясын жұқтырудың ықтимал жағдайларымен, оның алдын алу және пайда болу себептерін ашып берді.
Әңгіменің мақсаты: қазіргі әлемде мәселенің өзектілігін көрсету, студенттердің өзін-өзі тану арқылы салауатты өмір салтына деген қызығушылығын ояту.
ҰЛЫ ДАЛАНЫҢ ЖЕТІ ҚЫРЫ
2021 жылдың 17 қарашасында әскери кафедра студенттерімен «Ұлы даланың жеті қыры» тақырыбында әңгіме өткізілді.
Әскери кафедраның аға оқытушысы запастағы подполковник А.А. Дүйсенбаев 2018 жылдың 21 қарашасында Ақорда сайтында Қазақстанның Тұңғыш Президенті Нұрсұлтан Назарбаевтың «Ұлы даланың жеті қыры» атты мақаласы жарияланғанын, оның басты назарында ел тарихы мен халықтың жаһандық тарихтағы рөлін объективті түсіну қажеттігі тұрғанын атап өтті.
Дәріскер мақалада қазақстандық даланың адамзатқа сыйға тартқан жеті нәрсе келтірілгенін атап өтті. Олардың қатарында атқа міну мәдениеті, Ұлы Даланың ежелгі металлургиясы, аң стилі, Алтын адам, түркі әлемінің бесігі, Ұлы Жібек жолы, алма мен қызғалдақтың Отаны бар. Бұдан әрі мақаланың екінші бөлімі тарихи сананы жаңғыртуға арналған, онда Н.Ә. Назарбаев бірден бірнеше ірі жобаларды іске асыруды ұсынады. Олар дүниетанымның, Қазақстан халқының өткені, бүгіні және болашағының іргелі негіздерін ұғынуға көмектесуі тиіс.
Әңгіме студенттердің үлкен қызығушылығын тудырды. Түрлі аспектілер бойынша көптеген сұрақтар қойылды.
«СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ТУРАЛЫ» ҚАЗАҚСТАН РЕСПУБЛИКАСЫНЫҢ ЗАҢЫ
2021 жылы 9 қарашада әскери кафедра студенттерімен «Сыбайлас жемқорлыққа қарсы іс-қимыл туралы» Қазақстан Республикасының Заңы тақырыбында дәріс өткізді. Цикл бастығы запастағы подполковник Д.Ж. Қалилаев парасаттылық пен адалдыққа тәрбиелеу негіздері, қоғамдағы сыбайлас жемқорлықтың таралуымен этикалық мәдениет деңгейі жөніндегі мәселелерді талқылады, сондай-ақ парасаттылықты ілгерілету үшін пайдаланылуы мүмкін әзірлемелермен таныстырды.
Сабақтың мақсаты: Қазақстан Республикасының «Сыбайлас жемқорлыққа қарсы іс-қимыл туралы» Заңын түсіндіру, сондай-ақ сыбайлас жемқорлық туралы жалпы мәліметтер беру, сыбайлас жемқорлықтың алдын алу және оған жол бермеу шараларын талқылау, студенттердің азаматтық ұстанымын, патриоттылығын қалыптастыру, саяси сауаттылығын арттыру.
ҚР ӘСКЕРИ ДОКТРИНАСЫН СТУДЕНТТЕРГЕ ЖЕТКІЗУ
2021 жылғы 10 қарашада әскери кафедраның запастағы полковнигі С.В. Насекин студенттеріге «29.09.2017 ж. № 554 ҚР Әскери доктринасы» тақырыбында дәріс жүргізді.
Дәріс беруші студенттерге Қазақстан Республикасының Әскери доктринасы мемлекеттің әскери қауіпсіздігін қамтамасыз етуге, соғыстар мен қарулы жанжалдардың алдын алуға, әскери құрылысқа, сондай-ақ Қазақстан Республикасының ұлттық мүдделерін қорғау және халықаралық міндеттемелерін орындау мақсатында Қарулы Күштерді, басқа да әскерлер мен әскери құралымдарды қолдануға негіз қалаушы көзқарастар жүйесі болып табылатынын жеткізді.
Мақсаты: Білім алушыларға «Әскери доктрина» ұғымын түсіндіру. Олардың бойында отансүйгіштікке, Қазақстан Республикасының Қарулы Күштерінде қызмет етуге деген ынтасын тәрбиелеу.
«ХАЛЫҚ ҚАҺАРМАНЫ» ГЕНЕРАЛ-ЛЕЙТЕНАНТ Б. ЕРТАЕВПЕН КЕЗДЕСУ
2021 жылғы 1 қарашада М.Х. Дулати атындағы Тараз өңірлік университетінде «Халық Қаһарманы», генерал-лейтенант Б. Ертаевпен кездесу өтті.
Іс-шараға университеттің, Жамбыл облысы Қорғаныс істері жөніндегі департаментінің өкілдері және ауған-жауынгерлері қатысты. Іс-шара барысында университет ректоры Т. Ешенқұлов қатысушыларды университеттің стратегиясымен таныстырды. Қатысушылар университет мұражайы мен Б. Ертаев атындағы кабинетке көріп шықты.
Іс-шара соңында университет қызметкерлері мен ауған-жауынгерлері «САУАП» және «ЖАУЫНГЕРЛІК АЙБЫНЫ ҮШІН» төсбелгілерімен марапатталды.
«БОЛАШАҚ САРДАР» ӘСКЕРИ-ПАТРИОТТЫҚ КЛУБЫНА ҚОСУ
Әскери кафедрада 2021 жылдың 27 қазанында студенттерді «Болашақ сардар» әскери-патриоттық клубына қосу бойынша кезекті отырыс өтті. «Болашақ сардар» әскери-патриоттық клубының қатарына жаңадан таңдалған екінші курс студенттері салтанатты түрде қабылданды.