М.Х. Дулати атындағы Тараз өңірлік университетінің «Болашақ сардар» әскери-патриоттық клубының мүше студенттері Қазақстан Республикасының «Қорғаныс туралы» Заңымен қызу танысуда. Заңда билік пен басқару органдарының атқаратын міндеттері қамтылған. Заң бойынша мемлекеттік билік пен басқармалары өз қарамақтарындағы барлық мекемелердің іс-әрекеттері үшін жауап береді.
Конституция бойынша Отан қорғау мен ҚР ҚК-де қызмет ету әрбір қазақстандықтардың міндеті мен парызы. Мемлекет өз аумағының бүтіндігін, қолсұқпаушылығын, бөлінбеушілігін қамтамассыз етеді.
Қазақстан Республикасын қорғау – республиканың тәуелсіздігі мен аумақтық тұтастығын және өз шекараларына қол сұғылмаушылығын қамтамассыз етуге арналған саяси, әскери, экономикалық, экологиялық, және әлеуметтік – құқықтық сипаттағы мемлекеттік іс-шаралар жүйесі.
Әрбір Қазақстан азаматының халық алдындағы конституциялық міндеті – халықтың бейбіт еңбегін қорғау, әскери бөлімдер мен бөлімшелердің ұрыстық дайындығын нығайту болып табылады.
