Кафедраның негізгі мақсаты – «Тарих» мамандығы бойынша тиімді кәсіби жұмысқа және еңбек нарығында бәсекеге қабілетті білікті мамандарды даярлау болып табылады. Бұл мақсатты жүзеге асыру - оқу үдерісіне инновациялық технологияларды енгізуді ынталандыруға ықпал етеді, білім сапасын қамтамасыз етеді.2023  жылы кафедра атауы «Тарих» кафедрасы деп ауыстырылды. Меңгерушісі т.ғ.к., доцент Е.К.Серікбаев басқаруда .Бүгінгі күні кафедрада 21 профессор-оқытушылар жұмыс істеуде. Оның ішінде 1 профессор, 1 қауымдастырылған профессор (доцент), 2 тарих ғылымының кандидаты,  2 PhD докторы және 16 магистр – 14 аға оқытушы, 2  оқытушы.Кафедра университеттің барлық факультеттерінің 1 курс бакалавриатында «Қазақстан тарихы»,  2 курс бакалавриатында «Рухани сабақтастық»  пәндері бойынша оқу үдерісін  қамтамасыз етеді. Кафедра қызметінде басты орынды оқу, оқу-әдістемелік, ғылыми және  тәрбие жұмыстары алады.Кафедраның ПОҚ шығарылған оқулық, оқу және оқу-әдістемелік, могография, электрондық құралдары бар. Бақторазов С.У.- Қазақстанның Оңтүстік өңірінде жүргізілген саяси қуғын-сүргін (1917-1939ж.ж.) Монография. Ташқараева Ә.М. Абдуалы А.Б. Өтепбергенова Г.- Қазақ хандығы отау тіккен киелі. Тажиева Т.Ч., Бескемпірова Ә.М., Елубаева Г.А. - Саяси география, геосаясат негіздері. Д.Б.Қонысбекова -ҚР және ТМД-ның туристік географиясы.

Ғылыми бағыттары

Профессор-оқытушылар құрамы  ҒЗЖ жоспары  бойынша бойынша қолданбалы түріндегі 3 ізденіс-зерттеу жұмысын орындау қарастырылған. Олар:

1. «Алаш тұлғаларының қоғамдық-саяси қызметі және қазіргі кезең».

2. «Түркістан өлкесі тарихының деректемелік және тарихнамалық негіздері».

3. «Қазақстанның физикалық географиясының қазіргі кезеңдегі міндеттері».

- Осы бағытта  кафедраның профессор-оқытушылар  құрамы  оқу-әдістемелік құралдар, нұсқаулар,  және  ғылыми мақалалар бойынша   мақалалар  жариялайды. Жамбыл облысы бойынша орта білім беру мекемелерінің жоғарғы сынып оқушыларын ғылымға баулу мақсатында мектеп оқушыларының қатысуымен ғылыми-әдістемелік конференциялар мен семинарларды жүйелі түрде ұйымдастыратын  «Мұрагер» және «Глобус» үйірмелері құрылған. Кафедра қызметкерлері кафедрадағы студенттердің мүшелігі мен «Глобус» және «Мұрагер» үйрмелері  жұмыс  істеуде. «Глобус» үйірмесінің жетекшісі РhD Тажиева Турсунай Чайхсламқызы. Үйірме мүшелері Отан тарихының өзекті мәселелері бойынша және география бағытында студенттік конференцияларға, республикалық конкурстарға қатысып, арнайы дипломдармен және жүлделі орындармен марапатталған.Кафедра базасында «Алаш тағылымы» тарихи-танымдық клубы жұмыс істейді. Аталған клубтың жұмыс жоспарына сәйкес, Алаш тақырыбына қатысты конференциялар мен кездесулер өткізілді.  «Саяси қуғын-сүргін құрбандандарын ақтау комиссиясының» М.Х.Дулати атындағы Тараз өңірлік университетінің жұмыс тобымен ұйымдастырылған Жамбыл облысы орта, арнаулы және жоғарғы оқу орындарының қызметкерлеріне оқылған «Оңтүстік өңірде жүргізілген саяси қуғын-сүргін» тақырыбында құзіреттілікті арттыру курсы өткізілді.

Бакалавриат

• 6В02211 – Тарих

Магистратура

• 7M02211 – Тарих

«Тарихи мәдени ескерткіштерді қорғау және қалпына келтіру» дирекциясымен, Жамбыл облысының мемлекеттік мұрағатымен, Жамбыл облыстық тарихи-өлкетану музейімен, Тараз қаласындағы №51, 53 орта мектептермен серіктестік туралы келісім шарттар жасасқан.

«Тарих» мамандығының 2-курс студенттері мұрағаттық іс-тәжірибенің алғашқы апталарында Жамбыл облысының мемлекеттік мұрағатында болады. Ондағы Ұлттық мұрағат қорын қалыптастыру және құжаттаманы тексеру, құжаттарды есепке алу және сақталуын қамтамасыз ету, әлеуметтік құқықтық сипаттағы сұраныстарды орындау, ғылыми анықтамалық ақпарат және құжаттарды жариялау, ақпарат технологиялар бөлімдерімен танысады.

Мамандықтың 3-курс студенттері Жамбыл облысы тарихи-өлкетану музейінде тәжірибеден өтеді. Мұражай ісі тәжірибесінің негізгі мақсаты: студенттерге мұражайдың қоғамдағы алатын орнын ұғындыру, мұражай бөлімдерінің құрылу тарихымен, мұражай істерімен таныстырып, ондағы экспонаттарды сақтаудың тәртіптерін түсіндіру болып табылады.

Қазіргі таңда «Тарих» мамандығын бітірген студенттеріміз түрлі салаларда қызмет атқаруда. Атап айтатын болсақ:

• аудан әкімдігінің ішкі саясат бөлімінде меңгеруші,
• қалалық және аудандық музейлерде ғылыми қызметкер,
• мектеп пен колледждерде оқытушы 
• жоғары оқу орындарының оқытушысы болып қызмет етуде.