Жер қатынастарын реттеу саласындағы мамандарды даярлаудың мақсаты - Қазақстан Республикасының жер ресурстарын тиімді пайдалану және қорғау мәселелерін шешуде, сонымен қатар жерді есепке алу, тіркеу және жылжымайтын мүлікті бағалау саласында теориялық білімі, қажетті практикалық дағдылары бар және жер кадастры мен жылжымайтын мүліктің қазіргі заманғы технологияларын пайдалана алатын жер қатынастары саласына қажетті мамандарды даярлау. Білім беру бағдарламалары қазіргі заманғы жер-нарықтық қатынастарды және жұмыс берушілердің талаптарын ескере отырып, ғылыми-зерттеу және практикалық қызметтің қажетті түрлерімен байланысты ерекше құзыреттерді қалыптастыруға бағытталған.

Негізінен бакалавр дайындалатын кәсіби қызметтің нақты түрлерін жоғары оқу орны білім алушылармен, университеттің ғылыми-педагогикалық қызметкерлерімен және елдің оңтүстік өңірінің еңбек нарығының қажеттіліктерімен анықталады.

Бакалавриат

• 6В07311-«Жер кадастры және жылжымайтын мүлікті бағалау»
• 6В07312-«Жерге орналастыру»

Магистратура

• 7M07311-«Жер ресурстарын басқару»

• Қазақ Ұлттық аграрлық зерттеу университеті, Алматы қ.
• С.Сейфуллин атындағы Қазақ агротехникалық университеті, Нұр-Сұлтан қ.
• «Азаматтарға арналған үкімет" мемлекеттік корпорациясы Жамбыл облысы бойынша филиалы Тараз қ.
• Жамбыл облысы әкімдігінің жер қатынастары басқармасы. Тараз қ.
• «Қала әкімдігінің жер қатынастары бөлімі» коммуналдық мемлекеттік мекеме. Тараз қ.

Бітіруші түлек білім беру бағдарламасы бойынша алған дайындыққа сәйкес жерге орналастыру, жер ресурстарын басқару және жылжымайтын мүліктің мемлекеттік кадастр саласында шешім алуға қабілетті, мемлекеттің негізгі ресурстары ретінде жерді тиімді пайдалану мәселеліріне бағдарланған.

Бітіруші түлек:

Жерді пайдалану мен қорғаудағы мемлекеттік бақылауды қамту бойынша Қазақстан Республикасының заңнамалық және басқа да нормативтік құқықтық актілерін, жер учаскелерін тіркеу мен есепке алу бойынша негізгі жұмыстардың ерекшеліктерін, кадастр мен нысан мониторингін жүргізу туралы ережелерді, қоршаған ортаны қорғау және жер ресурстарын тиімді пайдалану бойынша нормативтік құжаттар мен әдістемелік материалдарды білуі керек.

Жер дауларын реттеуде, жер мен жылжымайтын мүлікті пайдалануды байқылауда құқықтық мәселелерге қатысты елдің заңдарын қолдана білуі керек. Барлық категориялы жерлерді, ҚР меншік пен жер пайдалану түрлерін сандық және сапалық есепке алуды, мемлекеттік кадастрлық есепке алу мен құқықты мемлекеттік тіркеу аясында мемлекеттік қызмет көрсету үшін құжаттарды қабылдауды жүргізу.

Жер-мүлік қатынастары саласында тиімді стратегияны құрастыру және белсенді саясатты қалыптастыруда қабілетті болуы тиіс. Жерге қатысты кез келген операция түрлері бойынша келісім-шарттармен жүмыс атқару дағдысы болуы қажет. Жерлерді пайдаланумен байланысты жобалар мен жоспарларды жасау әдістері мен амалдарын білуі керек.