Қазақ диаспорасы өкілдері мен тілдік даярлық деңгейін арттыру үшін оқитын тыңдаушылардың жалпы білім беру деңгейін көтеру, оқу-тәрбие жұмыстарын ұйымдастыра отырып қоғамдық өмірге бейімдеу және Қазақстан Республикасының жоғары оқу орындарына оқуға түсуге ықпал ету.

Қазақстан Республикасы Президентінің 1996 жылғы 31 желтоқсандағы «Шет елде тұратын Отандастарды қолдаудың мемлекеттік бағдарламасы туралы» Жарлығын жүзеге асыру мақсатында, Қазақстан Республикасы Білім және ғылым министрлігінің Жоғары және жоғары оқу орнынан кейінгі кәсіптік білім департаментінің 2002 жыл 25 желтоқсандағы №5-4/828 хаты мен Қазақстан Республикасы Білім және ғылым министрінің «Қазақ диаспорасы мен репатрианттар өкілдері» ішіндегі дайындық бөлімі тыңдаушыларының оқу және тәрбиелік жұмысының ұйымдастырылуы туралы 2002 жылғы 27 желтоқсандағы №899 бұйрығының негізінде 2003 жылдың 3 қаңтарында М.Х.Дулати атындағы Тараз мемлекеттік университетінің біліктілікті жетілдіру және жоғары оқу орнына дейінгі дайындық факультетінде дайындық бөлімі ашылды. 2004 жылдың соңында біліктілікті жетілдіру факультетінің таратылуына байланысты, 2005 жылдан бастап жоғары оқу орнына дейінгі дайындық орталығы болып қайта құрылды. Құрылымдық бөлімдердің қайта құрылуына байланысты, 2013 жылдан бастап дайындық орталығы жоғары оқу орнына дейінгі дайындық бөлімі болып өзгертілді. 02.11-15.06.16жж. аралығында М.Х.Дулати атындағы Тараз мемлекеттік университеті Жалпы білім беру пәндері факультетінің оқу ғимаратын толық игеру және ондағы оқу-әдістемелік  зертханаларды тиімді пайдалану мақсатында жоғары оқу орнына дейінгі дайындық бөлімі өз жұмысын Қаратау қаласында атқарды.

2020 жылдың қазан айынан бастап М.Х.Дулати атындағы Тараз өңірлік университеті мен Тараз мемлекеттік педагогикалық университетінің бірігуіне байланысты, аталған университетке қарасты тілдік даярлық курсы Тараз мемлекеттік университетінің дайындық бөліміне қосылды. 

Дайындық бөлімі ұлты қазақ, Қазақстан Республикасының азаматтары болып табылмайтын алыс-жақын шет елдерде (Қытай Халық Республикасы, Өзбекстан Республикасы,  Монғолия Халық Республикасы, Өзбекстан, Түркменстан, Қырғызстан, Тәжікстан, Ресей) тұратын қазақ диаспорасы өкілдері  мен Қазақстан Республикасы азаматтарының тілдік дайындығын күшейтуге базалық жалпы білім деңгейін жоғарылата отырып, Қазақстан Республикасының жоғары оқу орындарына оқуға түсу үшін ұлттық бірыңғай тестілеуге дайындауға бағытталған.

Айтбаева Индира Шәкенқызы

Қызметі: дайындық бөлімінің сектор жетекшісі

Байланыс телефоны: 8-707-275-2415

E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Мекен-жайы: Жамбыл облысы, Жамбыл ауданы, Бектөбе ауылы, Жамбыл көшесі, 33А;

Танкниа Алмагүл Базарбайқызы

Қызметі: дайындық бөлімінің аға тәрбиешісі

Байланыс телефоны: 87087159065

E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Мекен-жайы: Тараз қаласы, Ақбұлақ мөлтек ауданы, 21-үй, 39-пәтер

Тыңдаушыларға мамандықтарын жетік меңгерген А.Нұрымбетов, Н.Асылбекова, Г.Рахимова, А.Ауғанбаева, Ж.Шонтаева, Ш.Сапарбекова, Т.Елтайұлы, С.Айдарбеков, Т.Салмұхамедов, Г.Какибаева, Б.Малдыбаева, Д.Кемелова сынды магистрлер, аға оқытушылар мен университеттің доценттері дәріс береді.

ЖОО дейінгі дайындық бөлімнің материалдық базасына байланысты университетіміздің  4 ғимаратынан  оқу-тәрбие үрдісін ұйымдастыруға әкімшілік басқару кабинеттері мен аудиториялар  беріліп, №1 білімгерлер үйінен тыңдаушыларға арнайы бөлмелер бөлінді. Осы білімгерлер үйінде тыңдаушыларға арналған кешкі кітапхана жұмыс істейді.

Шетелден келген қазақ диаспорасы өкілдеріне ұлттық тіліміз бен тарихымызды тереңдете ұғындыру мақсатында қазақ тілі мен Қазақстан тарихы пәндерін, ал тілдік даярлық курсына ағылшын тілін оқыту үрдісі басты назарға алынған. Аталған пәндермен бірге математика пәні де негізгі пән ретінде оқытылады. Қазақ тілі пәнінен ұсынылатын бағдарлама тыңдаушылардың қазақ әліпбиінде сауатты жазуға үйретіп, өз ана тілінде сөйлеу тілін дамытып, тіл тазалығын сақтай отырып қазақ тілінің тілдік жүйесін толық меңгеріп, үйренуіне ықпал етеді. Қазақстан тарихы пәнінде тыңдаушыларды халқымыздың салт-дәстүріне, мәдениетіне, ұлтжандылыққа, өз ұлты алдындағы жауапкершілігін сезінетін азаматтық ұстанымын қалыптастыруға баулып, еліміздің көне тарихынан бастап қазіргі кезең аралығына дейін жан-жақты, терең мағлұмат береді. Математика пәні тыңдаушыларға қарапайым арифметикалық амалдардан бастап күрделі математикалық, алгебралық және геометриялық есептерді шешуді  меңгертеді. Сонымен бірге бейіндік пәндері бойынша қазақ әдебиеті, физика, химия, биология, география, дүние жүзі тарихы, ағылшын тілі, орыс тілі, ақпараттық сауаттылық пәндері  жалпы білім беру бағдарламасына сай өткізіледі.

Оқытушылар қауымы білім қуған қандас шәкірттерімізді тарих толқынынан тағылым алуы мақсатында киелі Тараз шаһарының қасиетті жерлері Айша Бибі, Қарахан баба, Тектұрмас, сондай-ақ Оңтүстік Қазақстан облысындағы Арыстан Баб, Қожа Ахмет Яссауи, Отырар сынды тарихи орындармен таныстыра отырып, олардың тарихи танымын кеңінен түсіндіруді дәстүрге айналдырған. 2000 жылдық тарихы бар көне шаһардың ішіне бүккен талайғы тылсым дүниелерінің кілтін ашып, сырына қанығу кімді де болса қызықтыратыны шындық. Осы мақсатта тыңдаушыларымызды Тараздың тарихын шертетін орталық мұражаймен таныстыру ұмыт қалдырылмайды.

Университетте өткізілетін түрлі қоғамдық-мәдени іс-шаралар, спарткиадалардың өткізілуінде дайындық бөлімі белсенділік танытып, жүлделі орындардан көрінуде.

Жыл өткен сайын дайындық бөлімінде тыңдаушыларға дәріс беретін оқытушылардың іс-тәжірибесі шындалып, алдағы уақытта жоғары көрсеткіштерге жетуге мүдделі.

2012-2020 ж.ж. аралығында Жоғары оқу орнына дейінгі дайындық бөлімін бітіріп, Қазақстан Республикасының жоғары оқу орындарына оқуға түскен тыңдаушылардың статистикалық көрсеткіші

2012-2020 ж.ж. аралығында Жоғары оқу орнына дейінгі дайындық бөлімінде білім алған тыңдаушылардың келген мемлекеттері бойынша мәлімет