Коронавирустық инфекцияның (COVID-19) пайда болуы мен таралуын болдырмау үшін алдын алу алгоритмі
- Қол гигиенасын сақтаңыз! Қолды таза ұстау – өз аузыңыз бен мұрныңызды қолыңызбен ұстағанда, ал айналаңыздағыларға заттардың беті арқылы вирустарды жұқтырмайтындығыңыздың кепілі. Мүмкіндігінше, әсіресе қоғамдық көлікті пайдаланғаннан кейін, көше мен қоғамдық орындарға барғаннан кейін, тамақтанар алдында және тамақтанғаннан кейін қолыңызды сабынмен жуыңыз немесе қолды тазартатын құралдарды қолданыңыз. Қолыңызды кез келген ортада тазалау үшін қолыңызбен дезинфекциялаушы немесе дезинфекциялық майлықтарды алып жүріңіз. Бұл қарапайым қадамдар сіздің қолыңыздағы вирустарды жояды!
- Өзіңіз өмір сүретін бөлмені үнемі ылғалды тазалап отырыңыз, тұрмыстық жуғыш заттарды қолданып заттардың беттерін тазалаңыз және зарарсыздандырыңыз. Ең алдымен, есік тұтқаларына, ашқыштарға, үстелдерге, орындықтарға, компьютерлік пернетақталар мен тышқандарға, телефондарға, басқару пульттеріне, кеңсе жабдықтарының панельдеріне және күнделікті өмірде және жұмыста қолыңыз жанасатын басқа да заттарға назар аударыңыз. Беттерді таза ұстау – қарапайым, бірақ маңызды ережелердің бірі! Бөлмені мүмкіндігінше жиі және жүйелі түрде желдетіп тұрыңыз және сіз тұрған бөлмедегі кез келген қол жетімді құралмен ауаны ылғалдандырыңыз.
- Өзін нашар сезінетін, респираторлық инфекция белгілері бар (мысалы, жөтел, түшкіру) адамдармен тығыз байланыста болудан аулақ болыңыз. Сәлемдесу кезінде (жедел респираторлық инфекция маусымы аяқталғанға дейін) қол алысудан және сүйісуден аулақ болыңыз. Есіңізде болсын, респираторлық вирустар науқастан сау адамға ауа тамшылары арқылы (сөйлегенде, түшкіргенде, жөтелгенде) беріледі. Сондықтан респираторлық инфекция белгілері бар адамдардан 1–1,5 м қашықтықты сақтауға тырысыңыз.
- «Тыныс алу этикетін» сақтаңыз: түшкіргенде немесе жөтелгенде аузыңыз бен мұрныңызды майлықпен (орамалмен) жабыңыз; бір реттік қағаз майлықтарды (орамалдар) қолданыңыз, оларды қолданғаннан кейін бірден тастау керек; майлық (орамал) болмаған жағдайда шынтақ бүгіндісіне жөтеліңіз немесе түшкіріңіз; жуылмаған қолды мұрынға, ауызға және көзге тигізбеңіз.
- Медициналық масканы қолданыңыз, егер: сіз респираторлық инфекциясы бар адамға күтім жасасаңыз, сіз респираторлық инфекция белгілері бар адамдармен байланыста болуыңыз мүмкін.
МАҢЫЗДЫ! Медициналық маскаларды қолданған кезде ережелерді сақтау қажет: Қолды алкоголь қосылған өнімдермен өңдеңіз немесе сабынды сумен жуыңыз. Масканы байлағышынан немесе резеңкесінен ұстап, ақ жағын ішке қаратып, бетке жақындатыңыз және беттің төменгі бөлігі – ауыз бен мұрын толық жабылған күйде байлаңыз. Соңында, иілмелі жолақты (мұрын қысқышын) қажетті пішінге келтіріңіз, бұл масканың бетке жақсы жабысуын қамтамасыз етеді. Масканы шешкенде байлағышын (резеңкесін) артқы жағынан ұстап, масканың алдыңғы жағына қол тигізбей шешіңіз. Алынған масканы қайта жабылатын қоқыс контейнеріне тастаңыз. Қолды сабынмен немесе спиртпен жуыңыз. Қажет болса, 1-3 қадамдарды орындап, жаңа маска киіңіз.
МАҢЫЗДЫ! Масканы екі сағаттан артық қолдануға болмайды. Қолдану уақыты екі сағаттан аз болса да, ылғалданған (суланған) жағдайда масканы дереу ауыстырыңыз. Бекітілген масканы қолыңызбен ұстамаңыз. Қолданылып жатқан немесе қолданылған масканы ұстағаннан кейін қолыңызды сабынмен немесе спирті бар тазалау құралымен мұқият жуыңыз. Бір реттік маскаларды қайта қолдануға болмайды.
МАҢЫЗДЫ! Егер сіз өзіңізді нашар сезінсеңіз, үйде болыңыз. Егер сізде жоғары температура, жөтел және тыныс алу қиындықтары болса, медициналық көмекке жүгініңіз және студенттер бөліміне немесе Университеттің персоналды басқару бөліміне 556720, 432777 хабарласыңыз.
Егер сізде респираторлық инфекция белгілері болса, оның ішінде тұмау мен коронавирустық инфекция (дене қызуының болуы, қалтырау, әлсіздік, бас ауруы, мұрынның бітелуі, конъюнктивит, жөтел, ентігу, бұлшықеттердің ауыруы және дене аурулары) болса, үйде болыңыз және дәрігерді үйге шақырыңыз.