2024 жылдың 9 желтоқсанында Мұхаммед Хайдар Дулати атындағы Тараз университетінің “Конвергентті және веб-журналистика” мамандығының 1-курс студенттері «Jambyl» телеарнасына экскурсия жасады. Экскурсияны телеарнаның редакторы және жүргізушісі Жомарт Есқара ұйымдастырып, студенттерге бағдарламалардың жасалу процестері мен камераның арғы жағындағы өмірді таныстырды. Студенттер тікелей эфир мен ақпараттық бағдарламалар құрылымын көріп, суфлер арқылы мәтін оқып, радио бөлімінде дикторлық қабілеттерін сынады. Сонымен қатар, журналист Даурен Доғдырбай өз тәжірибесімен бөлісіп, болашақ мамандарға кәсіби кеңестер берді. Экскурсия соңында студенттер аға оқытушыларымен бірге телеарна журналистерімен естелікке суретке түсті. Бұл тәжірибе студенттердің журналистикаға қызығушылығын арттырып, мамандықтың қыр-сырын тереңірек түсінуге мүмкіндік берді.