Марафон 2021 жылдың қаңтар-қараша айлары аралығын қамтыды. Іс-шаралар марафонының әр кезеңінде түрлі тақырыпта байқаулар өткізілді: «Тәуелсіз елдің ұрпағымын» тақырыбы бойынша поэзия мен эссе байқауы, «Жаңарған Қазақстан» тақырыбынан бейнебайқау, «Тәуелсіздік және рухани жаңғыру» тақырыбында мақала байқауы, сонымен қатар «Тәуелсіздік: еркіндігім, қасиеттім, қастерлім» атты ақындар айтысы. Аталмыш байқаулардың жеңімпаздары 2021 жылдың 15 желтоқсанында дипломмен марапатталды. Поэзия мен эссе жанрлары бойынша жүлделі орынды иеленгендер: қазақ тілі мен әдебиеті пәні мұғалімдері Сәулебек Оспанжанұлы мен А.Т.Шакманова, Дулати университетінің 2-курс студенті А.Е.Насимуллина. Бейнеролик бойынша жүлделі орынды қанжығасына байлағандар: Асан Нұрдаулет пен Балғабайқызы Перизат (1-орын); Аманбек Нұрболат пен Жаманқара Аяулым (2-орын); Ершеева Арайлым мен Ниязбекова Ажар (3-орын). Ал айтыстан жас ақын Бәтей Аят жеңімпаз атанды.
Барлық жеңімпаздарды құттықтап, тәуелсіздікті жырлар тәуелсіз ақындарымыз аман, азаттығымыз баянды болсын дейміз!
Филология және журналистика кафедрасы