Мақсаты – белсенді азаматтық ұстанымды, бүгінгі қоғамның қажеттіліктері мен үміттеріне жауап беруші, студенттердің кәсіби құзыреттілігін қалыптастыруға ықпал етуші тәрбиенің гуманистік, жоғары адамгершілік ортасын құру болып табылады. Міндеті – жастардың бойына патриоттық сезімін қалыптастыру, адамгершілік және рухани дамыту, жас таланттарды қолдау, студенттерді мәдени, ғылым және білім беру процестеріне тарту, олардың әлеуметтік құқықтарын қамтамасыз ету және білім деңгейін арттыру. Тәрбие – жеке тұлғаның адамдық бейнесін, ұнамды мінез-құлқын қалыптастырып, өмірге бейімдеу мақсатында жүргізілетін жүйелі процесс.  Жоғарыда аталған «КЕДЕРГІЛЕРДІ АЛЫП БАЙЛАНЫС ОРНАТАЙЫҚ»  атты студенттер арасындағы байланысты нығайту мақсатында өткізілген әдеби-сазды театралды кештің мақсаты адам бойында ізгілік, инабаттылық қасиеттерін және болашақта өнер, мәдениет саласының білікті мамандары болып қалыптасуының алғашқы қадамдары болып табылады.