«Тоқыма, материалтану және стандарттау» кафедрасының оқытушылары мен қызметкерлерінің 2022- 2023 оқу жылындағы кәсіптік бағдарлауды жүргізу жұмыстары бойынша анықтама
Кәсіптік бағдар дегеніміз мамандық таңдаудағы жеке икемділіктерінің, қызығушылығының, кәсіптік ынтасына және қоғамның әр-түрлі деңгейдегі квалификациялы және әр-түрлі мамандық кадрларына сұранысымен жастарды дайындаудағы бағытталған іс-әрекет екенін білеміз.
Кәсіптік бағдар беру жұмысы жоспарлы түрде М.Х.Дулати атындағы Тараз өңірлік университетінде келісе отырып жыл бойы жүргізілуде. Бұл жұмысқа Университеттің технологиялық факультетінің «Тоқыма , материалтану және стандарттау» кафедрасының ұжымы белсене қатысуда. Әр оқу жылында кәсіптік-бағдарлау жұмысына арналған жоспары құрастырылып, бекітіледі.
Кәсіби – бағдар жұмысы
2023 жылдың 19 қаңтар күні кәсіби – бағдар жұмысы бойынша М.Х.Дулати атындағы Тараз өңірлік университеті Технологиялық факультеті «Текстиль, материалтану және стандартизация» кафедрасының оқытушылары Рахманова Ж.С., Касымова Г.А., Сарыбаева Э.Е. Жамбыл облысы, Байзақ ауданына қарасты, №1 гимназия, Ғ.Мұратбаев атындағы, Ю.Гагарин атындағы, М.Киікбаев атындағы, Сарыкемер атындағы мектептерге барып, кәсіби бағдарлау түсіндірме жұмыстарын жүргізді. Кәсіби –бағдарлау жұмысын жүргізу барысында мектеп түлектеріне кафедрадағы 6В07211- «Инновациялық текстиль», 6В07116- Материалтану және жеңіл өнеркәсіп материалдар технологиясы, 6В07222-Былғары бұйымдарының инновациялық технологиялары, 6В07511- «Стандарттау және өнімдер сапасын басқару» білім беру бағдарламалары таныстырылды.
Докторлық диссертация сәтті қорғалды
«Химия және химиялық технология» кафедрасының «Химия» мамандығының докторанты Мырзахметов Бауыржан Асқарбекұлы «Фотодинамикалық терапияда қолданылатын фотосенсибилизаторлардың физика-химиялық қасиеттері және кванттық-химиялық есептеулері» тақырыбында философия докторы (PhD) дәрежесін алу үшін докторлық диссертациясын 2022 жылғы 28 желтоқсанда әл-Фараби атындағы ҚазҰУ диссертациялық кеңесінде сәтті қорғады.
Сенің болашағыңның мақсаты - дұрыс мамандықты таңдау!
Кәсіптік бағдар беру — қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға мүмкіндік жасайды.
ЖЕҢІЛ ӨНЕРКӘСІПТІҢ ӨРКЕНДЕУІ – ЖАСТАР ҚОЛЫНДА
«Технолог» студенттік–ғылыми үйірмесінің (СҒҮ) жұмыс жоспарына сәйкес 23.12.2022 жылы Тараз қаласының мектеп бітіруші оқушыларымен «Жеңіл өнеркәсіптің өркендеуі – жастар қолында» тақырыбында дөңгелек үстел форматында ашық отырыс өтті.
Дөңгелек үстелдің мақсаты – Қазақстанның жеңіл өнеркәсіп саласындағы ғылыми-зерттеу іс-әрекеті үшін мектеп оқушыларының зерттеушілік дағдыларын дамыту. Дөңгелек үстелде мектеп оқушылары мен үйірме мүшелері Қазақстан Республикасының жеңіл өнеркәсібінің мәселелерін талқылады.
Ғабиден Мұстафиннің туғанына 120 жыл толуына арналған әдеби кеш
«Химия және химиялық технология» кафедрасының ұйымдастыруымен Ғабиден Мұстафиннің туғанына 120 жыл толуына арналған әдеби кеш өтті.
Әдеби кештің негізгі мақсаты - жазушының өмірі мен шығармашылығымен танысу, жазушы шығармаларының идеясын ашу, рухани-адамгершілік қағидаларымен танысу, шығармаларды нақышына келтіріп оқи отырып, негізгі түйінді таба білуге дағдыландыру, өз ойларын еркін, нақты жеткізе білуге баулу, тіл байлықтарын шыңдау, өзін-өзі дамыту.
«Ұлт тілін ұлықтаған» М.Шахановқа арналған дөңгелек үстел
Желтоқсан айының 8 жұлдызында «Текстиль, материалтану және стандартизация» кафедрасының кураторлары (Байдильдаева А.К., Онлабекова А.Т., Айтоқпақ С.С., Халметова Ш.Т.) бастамасымен университеттің Тәуелсіздік залында «Ұлт тілін ұлықтаған» атты тақырыбында М.Шахановтың 80 жасқа толуына орай факультет деңгейінде дөңгелек үстел ұйымдастырылды. XX ғасырдың алпысыншы жылдарында қазақ поэзиясында өз болмысымен, өз үнімен жарқ етіп танылған Мұхтар Шаханов – қазақтың біртуар көрнекті ақыны, драматургі. Қазақстан халық жазушысы - еліміз үшін көп еңбек сіңіріп, қоғам өмірі мен сол қоғамда өмір сүретін адамдардың түрлі қасиетін өз өлеңдеріне арқау еткен тұлға. Асқан талантымен, айбынды ақындығымен, асқақ азаматтығымен ерекшеленген ірі тұлғамызға арналған «Ұлт тілін ұлықтаған» атты дөңгелек үстелде 6В07222-21, 6В07511-21, 6В07511-20, 6В07211-20 топтарының студенттері ақын туралы презентация қорғап, «Мені неге Мұхтар қойған», «Бақыт геометриясы», «Достық өлкесінің заңы» және «Желтоқсан алаңы» өлеңдерін оқыды, «Отырар» дастанына режиссер Батырхан Дәуренбековтың түсірген мультфильміне шолу жасап, өз ой-пікірлерін білдірді.
«Бақытты шаңырақ-бақытты ел» тақырыбында ашық дөңгелек үстел
Қазақта: «Отан отбасынан басталады», — деген дана сөз бар. Шынында да, адам баласы үшін Отаннан кейінгі қасиетті ұғым - отбасы болса керек. Отбасы – Отанның әрбір мүшесін дүниеге әкеліп, қанатын қатайтып, қатарға қосатын маңызды мекеме. Данышпанның да, ғалымның да ең алғашқы тәлімі мен тәрбиесі осы мекемеде қаланған. Мемлекеттің мықты болмағы оның дана басшысына байланысты болғаны сияқты, отбасының берекесі – ері мен әйеліне байланысты екені даусыз. «Үйлену оңай, үй болу қиын» десек те, отбасын құрған әрбір жан үйленерде бақытты болам деп емес, жарымды бақытты қылам деген мақсатпен үйленсе, көп қиындықтың басы шешілер еді. Қазіргі қоғамымыздағы ажырасу дерегінің күн санап өсіп келе жатқандығы көңіл алаңдатады. Отанымыздың тұғыры мықты болуы үшін Отанды құрайтын отбасы мықты болуы керек.
Туған ел - тұғырың, туған тіл - қыдырың
Мәңгілік Ел болуымыздың түп-тамыры тым тереңде. Соның ішінде ана тіліміздің алар орнының тіптен айрықша екеніне ешкім дауласа алмайды. Бүгінгі тәуелсіз еліміздің ілгерілеп, осыншама өркениет биігіне жетуі, барлық рухани құндылықтарының жарқырай көрінуі айналайын ана тіліміздің арқасы десек еш қателеспейміз.
Ахмет Байтұрсынұлының: «Ұлттың сақталуына да, жоғалуына да себеп болатын нәрсенің ең қуаттысы – тіл, сөзі жоғалған жұрттың өзі де жоғалады, өз ұлтына басқа жұртты қосамын дегендер әуелі сол жұрттың тілін аздыруға тырысады» дегені тағы да еске түседі. Иә, мына тынымсыз тіршіліктің тізгінін ендігі жерде тіл арқылы ғана ұстай аламыз. Халқымыздың салт-дәстүрін сақтап, келешек ұрпаққа әуелгі мөлдір тамшыдай қалпында жеткізу де баршамыздың парызымыз.
«ҚАҺАРМАН ҚЫЗЫ ҚАЗАҚТЫҢ» МӘНШҮК МӘМЕТОВАНЫҢ 100 ЖЫЛДЫҒЫНА АРНАЛҒАН ШАРА
«Химия және химиялық технология» кафедрасының 3 курс 6В05314-Химия білім беру бағдарламсының студенттерінің ұйымдастыруымен аты аңызға айналған, ерлік істері барша ұлтты таң қалдырған қазақтың батыр қызы Мәншүк Жиенғалиқызы Маметованың жарқын өмірі және Ұлы Отан соғысындағы ерлігін ұлықтау, өнеге ету, жастардың патриоттық сезімін ояту, Отан сүйгіштікке, елін, жерін сүюге тәрбиелеу мақсатында «Қаһарман қызы қазақтың» атты шара өткізілді.
Шараның өту барысында 3-курс студенттері Елемес Жансая және Бегалы Мерей Мәншүктің балалық шағы, майдан даласындағы ерлігі туралы тың деректерге шолу жасалып, «Үзілген моншақ» атты деректі фильм көрсетілді.
Ерімбетова Салима Мәншүктің майдан даласында анасына жазған сағыныш хаттарынан үзінділерді театрландырған қойылыммен ұсынды.
Жеңіспен құттықтаймыз!
2022-2024 жылдарға арналған «Жас ғалым» жобасы бойынша жас ғалымдарды гранттық қаржыландыруға арналған конкурста М.Х.Дулати атындағы Тараз өңірлік университетінің «Химия және химиялық технология» кафедрасының аға оқытушысы, магистр Кудайбергенова Рабига Мусапаровна құны 18 999 676 теңгені құрайтын грант ұтып алды.
Келешекте шығармашылық табыс, жаңа идеяларыңыздың, жоспарларыңыздың одан әрі жүзеге асырылуын тілейміз.
Индонезиялық профессормен тәжірибе алмасу
М.Х.Дулати атындағы Тараз өңірлік университетіне бір айлық іс-сапармен келген ИНДОНЕЗИЯЛЫҚ UNIVERSITAS ISLAM NEGERL SULTAN KASIM RIA-дан Генетика және Агробиология саласындағы Азияның жетекші профессорларының бірі доктор ЗУЛЬФАХМИ M.SI. келді, осыған орай профессор Зульфахми М. SI Қолданбалы биология" кафедрасындағы Профессор оқытушы құрамы мен магистранттар және студенттерге “Өсімдіктер генетикасы" бойынша "Бұрыштың мутантты түрлерін алу жолдары" тақырыбында дәрістер оқып, бірге жоба жасап, мақалалар жазып сертификаттар берді.
Тараз өңірлік университетінің студенттері дін өкілдерімен кездесті
М.Х. Дулати атындағы Тараз өңірлік университетінің Технология факультетінде экстремизм мен терроризм алдын алу және жастарға рухани адамгершілік тәрбие беру мақсатында “һибатулла атындағы Тараз орталық мешіт, медресесінің найб имамы Бақытұлы Нұралы және Әліұлы Сәкен Биология мамандығының студенттерімен кездесу өткізді. Бұл іс-шараның мақсаты студент жастардың тура жолдан таймай, түрлі бүлікшіл ұйымдардың жетегінде кетіп адасуынан сақтандыру жұмыстарын ұйымдастыру.
Кездесу барысында орталық маманы теріс діни ағымдардың қоғамға тигізер зауалын айтып берді. Сондай-ақ кездесуде “Қолданбалы биология” кафедрасының меңгерушісі Гүлнар Керімбекқызы, аға тәлімгер Гулшат Бөленқызы және кафедраның аға оқытушылары Гүлнар Қуанышбекқызы, Гүлчехра Тұңғышқызы, Сәуле Достайқызы өз ойларын ортаға салып, пікіралмасу өткізді. Кездесу соңында студент жастар дін ғалымдарына сұрақтар қойып пікір алмасты.
Текстиль және сапа» студенттік ғылыми үйірмесімен Дүниежүзілік Сапа күніне «Сапа және қауіпсіздік – заман талабы» тақырыбында өткізілген шағын конференциясы
«Текстиль, материалтану және стандартизация» кафедрасының «Текстиль және сапа» студенттік ғылыми үйірмесімен Дүниежүзілік Сапа күніне орай «Сапа және қауіпсіздік – заман талабы» тақырыбында 11.11.2022 ж. Жамбыл облысы және Тараз қаласының колледждері мен мектептерінің білім алушыларының арасында шағын конференцияның ашық отырысы өткізілді.
Өнім сапасының мәселесі кез келген елдің экономикасындағы маңызды бағыттардың бірі болып табылады.
Бүкіл қоғамның назарын өмірдегі сапаның маңыздылығына аудару үшін «Біріккен Ұлттар Ұйымының қолдауымен Еуропалық сапа ұйымы 1989 жылдан бастап Дүниежүзілік сапа күнін атап өтуді ұсынды.
Өткеннің өнегесі - бүгінгінің баға жетпес байлығы
4 курс студенттері «Инновациялық текстиль», «Материалтану және жеңіл өнеркәсіп материалдар технологиясы», «Стандарттау және өнеркәсіпте сапаны басқару» мамандықтарының бастамасымен қазан айының алғашқы мерекелері қарттар және ұстаздар мерекесімен бірге тоғысқан «Өткеннің өнегесі - бүгінгінің баға жетпес байлығы» атты «Тұлға» жобасы аясында ардагер ұстаздармен кездесу ұйымдастырылды.
Тағылымды ұстаздар тәлім-тәрбиесі мен ұлағат тұнығынан сусындаған сан буын шәкірттер, студенттер бас қосып, қадірлі ұстаздарға сый-құрмет көрсетілді.
ҚАЗАҚ ӘДЕБИЕТІНІҢ ТАРЛАНЫ
2022 жылдың 5-ші қазанында М.Х. Дулати атындағы Тараз өңірлік университеті Технологиялық факультеті «Химия және химиялық технология» кафедрасының 6В05314 Химия білім беру бағдарламасының 3 курс студенттері мен топ кураторы химия магистрі Мамешова Саят Әлішеріқызының ұйымдастыруымен Мұхтар Әуезовтың туылғанына 125 жыл толуына орай «М. Әуезов – қазақ әдебиетінің тарланы» атты әдеби кеш өтті. Әдеби кеш технологиялық оқу кешеніне қарасты Кітапханалық ақпараттық орталықтың кооркинг залында ұйымдастырылды. Іс-шараға «Химия және химиялық технология» кафедрасының меңгерушісі м.а. Матниязоа Гүлсім Қадыржанқызы, аға оқытушы, магистр Баданоа Роза Рыскелдиевна, 6В05314 Химия білім беру бағдарламасының 1, 2, 3-ші курс студенттері және Қазақстан Республикасы білім беру ісінің үздігі, ҚР Журналистер Одағының мүшесі, әдебиеттанушы Мақашев Бақытжан Маханұлы, университет тынысы газетінің редакторы Үсейінова Ардақ ханым қатысты.
Тараз – Қолөнершілер қаласы
2022 жылдың 1-4 қазан аралығында Тараз қаласының "Шахристан" тарихи-туристік орталығында "Тараз – Қолөнершілер қаласы" халықаралық көрмесі өтті. Бұл ауқымды шараға Өзбекстан, Татарстан, Ресей, Қырғыз Республикасы, Тәжікстан, Үндістан, Пәкістан қолөнершілері қатысты. М.Х.Дулати Тараз өңірлік Университетінің "Тоқыма, материалтану және стандартизация" кафедраның оқу-өндірістік учаскелерінде жасалған бұйымдарға қатысып, көрмеге қойды және қол бұйымдарының өзіндік ерекшелігі мен өзіндік ерекшелігіне жоғары баға алды.
Рухани байлық – тәрбие негізі
3 қараша кұні Мұхтар Әуезов атындағы Алматы театры өзінің ең үздік қойылымдарының бірі - "Қоштасқым келмейді" драмасын киелі Тараз қаласының тұрғындарына ұсынды.
«Қоштасқым келмейді» драмасының авторы - А. Володин, аударған: А. Маемиров. Драманың негізгі сюжеті -некелерін бұзуға сотқа келген киепкерлерді татуластырмаққа судья барын салмақ болады. Алайда өзімшіл ерлі-зайыптылар бірін-бірі тыңдаудан, түсінуден қалған... Шарттылық белең алатын қойылымда әр кейіпкер әртүрлі таным, жеке дүниетанымын алға тартады. Әрбір кейіпкер, яғни әрбір адам – жеке әлем, тек сол әлемге үңілу, оны түсіне, қажет болса кешіре білу – үлкен қасиет. Бұл драманың авторы негізгі отбасылық өмірдің мәні мен проблемасын көрсеткісі келген....
Подробнее ...
Кәсіптік бағдар
Кәсіптік бағдар дегеніміз мамандық таңдаудағы жеке икемділіктерінің, қызығушылығының, кәсіптік ынтасына және қоғамның әр-түрлі деңгейдегі квалификациялы және әр-түрлі мамандық кадрларына сұранысымен жастарды дайындаудағы бағытталған іс-әрекет екенін білеміз.
«Текстиль, материалиалтану және стандартизация» кафедрасының оқытушылары жоспарға сәйкес Тараз қаласы және Жамбыл облысы аудандарының орта және орта кәсіптік оқу орындарына кәсіби-бағдарлау жұмысы жүргізу мақсатында мектептерге барып оқушылар бойынша мәліметтерді алып жеке хабарласу тапсырылды.
Ахмет Байтұрсынұлының 150 жылдығына арналған «Ұлттың ұлы ұстазы» тақырыбындағы әдеби кеш
«Химия және химиялық технология» кафедрасының 1 курс 6B05314-Химия білім беру бағдарламасының білімгерлерінің ұйымдастыруымен бүгінгі тұтас буынның төл басы, кешегі Абай, Ыбырай, Шоқан ұлыларымыз салған ағартушылық, демократтық бағытты ілгері жалғастырушы ірі ғалым, тілші, әдебиет зерттеушісі, түріктанушы, дарынды ақын, аудармашы, педагог, қоғам қайраткері Ахмет Байтұрсынұлының 150 жылдығына арналған «Ұлттың ұлы ұстазы» тақырыбындағы әдеби кеш өткізілді.
Кездесуді ашқан 1 курс студенті Тұрсынбек Жанерке А.Байтұрсынұлы мұрасы қазақ халқының рухани мәдениетінің құрамдас бөлігі болып табылатынын, ол қазіргі қазақ тілінің дамуына зор ықпал еткенін, Қазақ жазуын араб графикасы негізінде реформалағанын, отандық лингвистиканың негізін қалаушы және алғашқы қазақ оқулықтарының авторы болғанын еске салды.
Құқық бұзушылықтың алдын алу және кәмелеттік жасқа толмаған студенттермен жұмыс
30 қыркүйекте «Химия және химиялық технология» кафедрасының аға оқытушылары Кантарбаева Сауле Мейрхановна мен Шинибекова Асем Абду-хаиймовна ұйымдастыруымен «Жастар арасында құқық бұзушылықтың алдын алу мақсатында кәмелеттік 18 жасқа толмаған студенттермен тәртіп ережесі туралы түсіндірме жұмыстары» тақырыбында кездесу өткізді. 6В05314-Хим-22/1,3 топтарының студенттеріне университеттің Жастар ісі жөніндегі комитет төрағасы, «Экономика және құқық» факультетінен аға оқытушысы Ұлтанбаев Арнат Бегдалыұлы; «Әлеуметтік психология» кафедрасының аға оқытушысы, педагогика ғылымдарының магистрі Дәуренбекова Әсел Кәрібайқызы лекция оқып, түсіндірме жұмысын жүргізді.
Отбасы - тәрбие көзі
2022 жылдың 23-ші қыркүйегінде Отбасы күніне орай «Отбасы - тәрбие көзі» тақырыбында М.Х.Дулати атындағы Тараз өңірлік университеті Технологиялық факультеті «Химия және химиялық технология» кафедрасының 6В05314-«Химия» білім беру бағдарламасының 1 курс студенттері және топ кураторы химия магистрі Кантарбаева Сауле Мейрхановнаның қатысуымен ашық куратор сағаты өткізілді. Іс-шараға – «Химия және химиялық технология» кафедрасының меңгерушісі м.а. PhD Матниязова Гульсим Кадыржановна және профессор-оқытушылар құрамы, топ кураторлары мен студенттер қатысты.
Ашық куратор сағатының мақсаты студенттерді адамгершілік, әдеп-инабат тағылымын алуға, жақсы қасиеттерді бойына сіңіру, жақсыдан үйреніп, жаманнан жиренуге баулуға және қайырымдылық, достық қарым-қатынасты қалыптастыру, үлкенді сыйлауға, сыпайы, ілтипатты болуға тәрбиелеу.
ТҮЛЕКТЕРМЕН КЕЗДЕСУ
2022 жылдың 27 қыркүйегінде М.Х. Дулати атындағы Тараз өңірлік университеті, Технологиялық факультетінің «Химия және химиялық технология» кафедрасының аға оқытушысы А.С. Кулажанова Тараз қаласының №38 орта мектебінде мектеп бітіруші 11 сынып оқушыларымен «Кәсіптік бағдар беру» жұмысы бойынша кездесу өткізді.
Кездесу барысында Кулажанова А.С. мектеп бітіруші түлектерді М.Х. Дулати атындағы Тараз өңірлік университетіндегі білім беру бағдарламалары және өткізілетін Ұлттық біріңғай тестілеудің (ҰБТ) жаңа ережелерімен таныстырып, түлектер тарапынан қойылған сұрақтарға жауап берді. Сондай-ақ, 6В05314-«Химия» білім беру бағдарламасының өңірімізде алатын орынын, маңыздылығын айқындап, жан-жақты мағлұматтар берді. Сонымен қатар, «Химия және химиялық технология» кафедрасында дайындалатын білім беру бағдарламалары бойынша көптеген керекті мәліметтерді бітіруші сынып оқушыларына жеткізді.
Университет кітапханасымен таныстыру
Жаңа оқу жылының алғашқы күндерінен бастап «Былғары бұйымдарының инновациялық технологиялары» мамандығының бірінші курс студенттеріне, 1-курс кураторы Л. Юсупова басқаруымен, университет кітапханасының оқу залдары мен абонементтеріне экскурсиялар жүргізілді.
Кітапхана білім тарату, рухани және интеллектуалды қарым-қатынас, мәдениет орталығы болып табылады. Кітапхананың жұмысы студенттердің жан-жақты дамыған тұлғасын қалыптастыру, еңбек нарығында білікті мамандар мен ғылыми кадрларды даярлауға көмектесу мәселелерін шешуге бағытталған.
Кітапхананың негізгі мақсаты – жоғары білім беруді пайдаланушылардың ақпараттық қажеттіліктерін қанағаттандыру – оқу және ғылыми қызметпен айналысатын оқытушылар мен қызметкерлерге білім алу.
Университет кітапханашылар экскурсия кезінде кітапхананың ресурстары мен қызметтерін пайдалану ережелерімен таныстырды. Электронды каталогпен жұмыс істеу, қашықтан қолдануға болатын деректер базасында ақпарат іздеу бойынша кеңестер берілді. Бірінші курс студенттеріне А.Абдировқа, М.Абезовқа, Р.Арапбекқе, Ж.Әбзелбекке, А.Наурызбай, А.Сағымбекке, сирек кітаптар мен қолжазбалар қоры үлкен қызығушылық тудырды.