Қолданбалы информатика және бағдарламалау кафедрасының ұйымдастырумен «Абай - дара, Абай - дана қазақта» атты әдеби кешін ұйымдастырды.
Іс-шараға Манат Тлебаев, әдебиет сүйер қауым мен білім нәріне құмар студенттер қатысты. Іс-шараның өту барысында студенттерден Абай атамыз жайлы сұхбаттар алынды, студенттердің қатысуымен атамыздың өмірінен көрініс қойылды, ғұлама атамыздың жүрегінен шыққан өлең жолдары оқылды, дара ақынның өлеңдері студенттеріміздің орындауында оқылды, домбырамен ән айтылды.
Сонымен қатар, студенттері Абайдың әр адамның бойына ақыл мен парасатты ұялататын «Қара сөзін» оқыды. «Алқа ұйымының» мүшелері де тысқары қалмай, келіп ат салысты. Сонымен қатар, Филология факультетінің деканының тәрбие ісі жөніндегі орынбасары Абдімаулен Гулмира Абдімауленқызы, шетел тілдерінің теориясы және тәжірибесі кафедрасының меңгерушісі Байдрахманов Досым Хасенұлы кеште сөз сөйлеп, ұйымдастырушы студенттерге өз жылы лебіздерін білдірді.

МЕДИА-ҚЫЗМЕТ