«Қазақ тілі мен әдебиеті» кафедрасының тарихы

Жамбыл педагогикалық институтында «Қазақ тілі мен әдебиеті» мамандығы  1989 жылы  23 тамызда № 217 институт бұйрығымен ашылды.

Кафедрада 35-ке жуық адам қызмет істеді. Олардың ішінде Қазақ тілі кафедрасының  негізін қалаған п. ғ. к., доцент Тасболатов Қапаш Тасболатұлы, ф.ғ.к., доцент Садықбеков Рахым Айтбайұлы, ф.ғ.к., доцент Байтелиев Алтай Әшенұлы, аға оқытушы М.А. Айтжанова, С.Исматова, А.Тұрарова, Б.Мұртазаева, А.Бодықова, Т.Мұқашев, С.Байсейітова, Ж.Момбековалар  бар. Әр жылдары кафедраны басқарған ғалымдар: Р.А.Садықбеков (1989-1993), А.Ә.Байтелиев (1993-1999), М.Мырзахметұлы (1999-2000), А.Н.Тұрарова (2000-2010), Л.Т.Мақұлова (2010-2011), К.М.Қарымбаева (2011-2013).

Тараз мемлекеттік педагогикалық институты Филология факультетінде Қазақ тілі және Қазақ әдебиеті кафедралары болып 2000 жылы 1- қыркүйекте құрылған.

2013-2014 оқу жылынан бастап «Қазақ тiлi» және «Қазақ әдебиеті», «Практикалық қазақ тілі» кафедралары біріктіріліп, «Қазақ филологиясы» кафедрасы ретінде қайта құрылды. 

2013 оқу жылынан бастап «Қазақ филологиясы» кафедрасы құрылды, қазіргі таңда «Қазақ тілі мен әдебиеті» кафедрасы деп өзгерді.  Бұл кафедраны Алаштанушы ғалым, «Ы.Алтынсарин» медалінің иегері, үздік оқытушы п.ғ.д., профессор Т.Р.Абдықадырова басқарады. Кафедрада қазіргі таңда 25-ке жуық профессор-оқытушылар қызмет атқарады.

СТРАТЕГИЯЛЫҚ МАҚСАТЫ Бәсекеге қабілетті, білікті, жан-жақты дамыған, терең білімі бар және жаңа тәжірибелік дағдыларды игерген мамандарды даярлау.

Бакалавриат 6В01700 – «Қазақ тілі мен әдебиеті мұғалімдерін даярлау» Магистратура 7М01723 - Қазақ тілі және әдебиет педагогтарын даярлау Докторантура 8D01701- Қазақ тілі мен әдебиет педагогтарын даярлау

Жамбыл облысы әкімдігінің тілдерді дамыту басқармасы,

Jambyl телеарнасы

Облыстық және қалалық білім басқармасы

Түркі тілдес халықтардың озық тәжірибиелермен алмасу, кәсіби біліктілікті жоғарылату мақсатында Түркия мемлекетінің «Карабюк» университетімен тығыз байланыс орнатылған. Университеттің мамандарымен бірлесе отырып ғылыми конференцияларға қатысу, семинарлар өткізіу.

6В01700 – "Қазақ тілі мен әдебиеті мұғалімдерін даярлау" бағдарламасының түлек моделі кәсіби, тұлғалық, әлеуметтік және ғылыми- зерттеу дағдыларын қамтитын кешенді сипаттаманы білдіреді. Түлек моделі төмендегідей негізгі компоненттерден тұрады:

1. Кәсіби құзыреттер: • Мазмұнды білім: Қазақ тілі мен әдебиетінің теориясы, тарихы, грамматикасы, әдебиеттану негіздері және мәдени контекст туралы терең білім. • Оқыту әдістемелері: Заманауи оқыту әдістерін, педагогикалық технологияларды және ақпараттық-коммуникациялық технологияларды тиімді пайдалану қабілеті. • Бағалау дағдылары: Оқушылардың білімін, дағдыларын бағалау және кері байланыс беру тәсілдерін меңгеру.
2. Тұлғалық қасиеттер: • Коммуникация қабілеті: Өз ойларын нақты әрі түсінікті жеткізу, тыңдау және диалог жүргізу дағдылары. • Критикалық ойлау: Әдеби мәтіндерді талдау, бағалау және интерпретациялау қабілеті. • Шығармашылық: Жаңа идеялар мен тәсілдерді іздеу, инновациялық жобаларды әзірлеу.
3. Әлеуметтік құзыреттер: • Эмоционалдық интеллект: Өз эмоцияларын басқару, оқушылардың сезімдері мен қажеттіліктерін түсіну. • Командалық жұмыс: Топта жұмыс істей білу, әріптестермен ынтымақтастық орнату. • Әлеуметтік жауапкершілік: Қоғамдық өмірге белсенді қатысу, мәдени көптүрлілік пен көптілділікті насихаттау.
4. Ғылыми және зерттеу дағдылары: • Зерттеу жұмыстары: Қазақ тілі мен әдебиеті саласында ғылыми зерттеулер жүргізу, нәтижелерді талдау және практикада қолдану. • Конференцияларға қатысу: Ғылыми іс-шараларда белсенділік көрсету, тәжірибе алмасу. 5. Профессионалдық этика: • Этикалық нормалар: Педагогикалық қызметте кәсіби стандарттарды сақтау, оқушылардың мәдени және тілдік ерекшеліктеріне құрмет көрсету. Қорытынды 6В01700 бағдарламасының түлегі заманауи білім беру талаптарына сәйкес келетін, кәсіби біліктілігі жоғары, шығармашылықпен ойлайтын және әлеуметтік жауапкершілігі бар маман болуы тиіс. Ол қазақ тілін және әдебиетін оқытуда оқушыларға үлгі болып, олардың шығармашылық әлеуетін дамытуға ықпал ететін ұстаз рөлін атқарады.