«Тәрбиенің негізі-өнер мен мәдениетте» - деген қағиданы негізге ала отырып, М.Х. Дулати атындағы Тараз өңірлік университетінде талапкерлердің мамандыққа сұранысының өсуіне байланысты 2010 жылы «Мәдениет және өнер» кафедрасы ашылып, оның меңгерушісі болып ҚР мәдениет қайраткері, ҚР білім беру ісінің үздігі А.К Кабиева тағайындалды. Кафедра құрамында: Халық әртісі, Мемлекеттік сыйлықтың лауреаты, профессор Т.Жаманқұлов, ҚР еңбек сіңірген әртісі А. Сейілханов, ө.ғ.к. профессор П.Шегебаев, т.б белгілі қоғам қайраткерлері дәріс береді. «Мәдениет және өнер» кафедрасының басты мақсаты бәсекеге қабілетті, жаңашыл ойлайтын және отансүйгіштік тұрғыда мамандар, яғни «Мектеп және мектептен тыс мекемелердегі ұйымдастыру педагогикасы», «театр жетекшілігі және режиссурасы» мамандықтары – облыс, қала көлеміндегі әкімшілік ұйымдарына көркемөнер саласында тәрбиелік іс-шараларды ұйымдастырушы-педагог және өнер қызметкерін, әдіскерлер дайындау болып табылады. Кафедрада бірнеше ғылыми-шығармашылық үйірме, клубтар және Республикаға танымал «Дулати» жастар халық театры жұмыс істейді. Бүгінгі таңда әлемдік білім деңгейі жастардың бүгінгі мәдени сұраныстарын ғана біліп қоймай, олардың өзгеруін болжап, сонымен қатар оларға тез әрекет ете білу, бос уақыт сабақтарының жаңа түрлерін ұсына білуді көздейді. Осыған байланысты «Мәдениет және өнер» кафедрасы 2019 жылы ҚР БҒМ Білім беру бағдарламаларының тізіміне енгізілген 4 бағытта жаңа білім беру бағдарламаларын әзірледі.

БІЛІМ БЕРУ БАҒДАРЛАМАЛАРЫ

Кафедра келесі мамандықтар бойынша бакалаврларды дайындайды.

Бакалавриат бойынша:

6В11115 «Мәдени-тынығу қызметі: театралдық қойылымдарды ұйымдастыру және режиссура»

6В11116 «Мәдени-тынығу қызметі: бұқаралық қойылымдарды ұйымдастыру және вокалдық орындаушылық»

6В11117 «Мәдени-тынығу қызметі: бос уақытты ұйымдастыру және педагогикасы»

6В02101- «Хореография»

СЕРІКТЕСТЕР

            Бакалавриат бағдарламаларын іске асырудағы келесі өндірістік ұйымдар әріптестер болып табылады:

-Тараз қаласы әкімдігінің мәдениет және тілдерді дамыту бөлімінің Ықылас Дүкенұлы атындағы Қалалық мәдениет үйі, мемлекеттік коммуналдық қазыналық кәсіпорны;

-Асқар ТоқпановатындағыЖамбылоблыстыққазақдраматеатры;

-Жамбылоблыстықорысдрама театры;

-Жамбыл облысы әкімі ішкі саясат басқармасының «Қоғамдық келісім» мемлекеттік мекемесі;

-Кенен Әзербаеватындағы Жамбыл облыстық филармониясы;

-№12 Керімбай атындағы мектеп гимназиясы;

-Облыстық халық шығармашылығы орталығы;

-К.Әзербаев атындағы Жамбыл облыстық филармониясы;

-Абай атындағы жамбыл гуманитарлық жоғары колледжі.

Бакалавриат түлегі төмендегідей қызмет атқара алады:

• театр және кино актеры;
• телеарна және радио дикторы;
• эстрада әншісі;
• бұқаралық ұйымдастыру режиссеры;
• шоу бағдарламасын ұйымдастырушы;
• мектеп және мектептен тыс мекемелердегі ұйымдастыру педагогы;
• би жетекшісі;
• білім беру қызметі;
• балетмейстерлік қызмет;
• репетиторлық қызмет;
• ұйымдастыру-басқару қызметі;
• әдістемелік қызмет;
• мәдени-ағартушылық қызмет.

6В11115 - «Мәдени-тынығу қызметі: театралдық қойылымдарды ұйымдастыру және режиссура» бағдарламасы бойынша:

• жоғары кәсіби, бәсекеге қабілетті – драмалық туындыларды талдау және қайта өңдеу технологиясы мен методологиясы, инновациялық технологияларға ие бола отырып білім алушылардың өзінің шығармашылық ойын, теориялық және практикалық даярлығын, шығармашылық-өндірістік қызметті тиімді жүзеге асыруға қабілетті болуға дағдыланады.

6В11117 - «Мәдени-тынығу қызметі: бос уақытты ұйымдастыру және педагогикасы» бағдарламасы бойынша:

• жоғары кәсіби, бәсекеге қабілетті – инновациялық технологияларды меңгерген, бос уақытты ұйымдастыру және қызмет көрсету саласында теориялық және практикалық даярлықты меңгерген біліктімаман болады.

6В11116 - «Мәдени-тынығу қызметі: бұқаралық қойылымдарды ұйымдастыру және вокалдық орындаушылық» бағдарламасы бойынша:

• жоғары кәсіби, бәсекеге қабілетті– әр түрлі вокалдық техникаларды (халық, эстрадалық және классикалық вокал) меңгеріп және де инновациялық технологиялар арқылы теориялық және практикалық даярлықпен үйлескен, шығармашылық-өндірістік қызметті тиімді жүзеге асыруға қабілетті болады.

6В02101- «Хореография» білім беру бағдарламасы бойынша:

-           Білім беру және мәдениет ұйымдарында үнемі өзгеріп отыратын әлеуметтік-экономикалық жағдайларда, қазіргі заманғы қосымша білім берудің жаңартылған мазмұнына, сондай-ақ еңбек нарығының сұраныстарына сәйкес инновациялық деңгейде қызметті , хореографиялық ұжым басқаруды жүзеге асыруға қабілетті хореография маманының әлеуметтік және мәдени дамыған, кәсіби құзыретті,бәсекеге қабілетті тұлға болады.