Кездесудің мақсаты – қоршаған ортаның өзгеруімен күресіп жатқан әлемде таза энергияның парниктік газдардың шығарындыларын азайтуда және сенімді энергия көздеріне қолжетімділікті қамтамасыз ету болды. Кездесуді іс-шараның модераторы, Корпоративтік клиенттермен жұмыс жөніндегі бөлімнің бастығы М.М. Джарылкапов ашып, қазіргі күні экологиялық таза және жаңартылатын энергия көздерін пайдалану арқылы климаттың өзгеруі мен қоршаған ортаға зиянды әсерлерді азайту, сондай-ақ әлемдегі энергетикалық дағдарыс пен экологиялық мәселелерді шешу үшін жаңартылатын энергия көздеріне (күн, жел, гидроэнергия) көшу маңыздылығы туралы айтты. Бұл тек табиғатты қорғау үшін ғана емес, экономика мен халықтың әл-ауқатын арттыру үшін де тиімді болатынын атап өтті.
Кездесуде шақырылған қонақтарға кезегімен сөз беріліп, әрқайсысы электр энергиясы туралы заңдылықтардың ерекшеліктері, электр энергиясын өндіру үшін жаңартылатын энергия көздерін пайдаланудың маңызды бағыттары, қазіргі әлемде электр энергиясын өндіру мәселесі барған сайын өзекті болатынын, халық санының өсуі мен технологиялардың дамуы энергияға деген сұранысты арттырып отырғанын атап өтті. Сонымен қатар, көмір, мұнай, газ сияқты дәстүрлі қуат көздерінің қоршаған ортаға зиянды әсері де артып келе жатқанын айтты. Бұл жағдайда жаңартылатын энергия көздері, әсіресе күн, жел, су және биоэнергетика, экологиялық таза әрі тұрақты шешімдер ретінде үлкен маңызға ие болатынын, және олар дәстүрлі энергия көздеріне тәуелділікті азайтып, қоршаған ортаға теріс әсерді төмендететініне тоқталды.
Кездесу соңында Технологиялық факультетінің деканы А.К. Садибаев сөз алды: – Біз электр энергетикасындағы ақпараттық технологиялар саласындағы озық құзыреттілігі бар инженер-мамандарды даярлауға арналған заманауи білім беру бағдарламасын ашуды жоспарлап отырмыз. Бұл бағдарлама студенттерге қажетті құзыреттіліктерді игере отырып, электр энергетикасы мен ақпараттық технологияларды ұштастыра отырып, өнеркәсіптік кәсіпорындарды, қалаларды және ауыл шаруашылығын электрмен жабдықтау жүйелерін жобалау, монтаждау, пайдалану және жөндеу бойынша кәсіби білімі бар мамандарды дайындауды көздейді. Сонымен қатар, білім беру бағдарламасын меңгеру барысында студенттер энергетикалық жүйелерді есептеу мен жобалаудың заманауи тәсілдерін меңгеріп, оларды басқару мен бағалау үшін бағдарламалық қамтамасыз етуді пайдалану дағдыларын алады, – деп өзекті мәселені қозғады.
Залға келген қонақтар мен студенттер еркін форматта пікір алмасып, кездесудің соңында модератор М.М. Джарылкапов келген қонақтар мен білім алушыларға алғыс айтып, университеттің ғылым және цифрландыру жөніндегі проректоры Сейтжан Ауесжанович Орынбаевтың атынан алғыс хаттар тапсырды. Сондай-ақ, осындай кездесулердің тек студенттерге ғана емес, профессор-оқытушылар құрамына да пайдалы екені атап өтілді.
