Тілді өзгерту
Қазақша

Су саласы мамандарын заманауи даярлау

Су саласы мамандарын заманауи даярлау

Бүгінгі таңда су ресурстарының тапшылығы күшейіп келе жатқанда, оларды ұтымды пайдалану мәселесі ерекше өзекті болып отыр.

Сондықтан су ресурстарын сауатты және тиімді пайдалану білікті және жауапты кадрлар болған жағдайда ғана шешуге болатын маңызды мемлекеттік міндеттердің бірі болып табылады.

Осыған байланысты 2023 жылғы 13-17 наурыз аралығында "ҚазСШҒЗИ" ЖШС-і мен "Қазсушар" РМК Жамбыл филиалының ПЭУ бірлесіп су шаруашылығы қызметкерлеріне арналған оқыту семинарын өткізді. Семинар бағдарламасында мынадай мәселелер қарастырылды: Эксплуатациялық гидрометрияны (ЭГ) жүргізу тәртібі. Су шаруашылығы жүйелеріндегі ЭГ ерекшеліктері. Су есебі. Коллекторлық-дренаждық желіні (КДЖ) және тік дренаждық ұңғымаларды (ТДҰ) пайдалану ерекшеліктері.

15 наурызда аталған семинардың лекторы Т. Иманалиев Талас бөгетінде практикалық сабақтар өткізді, осы сабақтың тақырыбы "Экплуатациялық гидрометрияны (ЭГ) өткізу тәртібі. Су шаруашылығы жүйелеріндегі ЭГ ерекшеліктері. Су есебі". Дәріскер су торабының барлық элементтерін және осы объектідегі автоматтандыру тәсілдерін көрнекі түрде көрсетті, сондай-ақ осы учаскеде қандай гидрометриялық жұмыстар жүргізіліп жатқанын көрсетті.

Практикалық сабақтарға "Су ресурстары" кафедрасының оқытушылары Н.Ж. Жоламанов, Ж.И. Минарбеков, Г. Д. Қойшыбаева, К. Р. Джабагиева, сондай - ақ "6В08615-Су ресурстарын басқару" білім беру бағдарламасының 3 курс студенттері қатысты.  Студенттер өз қолдарымен қажетті гидрометриялық өлшеулер жүргізді.

Аталған іс-шараның мақсаты-су шаруашылығы объектілерінде суды есепке алудың, пайдаланудың қандай заманауи әдістері қолданылатынын көрсету.

2

3

"Су ресурстары" кафедрасының

аға оқытушыары Джабагиева К.Р., Жоламанов Н.Ж.

Top