– Халқымыздың ғасырлар бойы аңсаған Тәуелсіздігіне ие болғанымызға биыл 30 жыл толып отыр. Осындай мерейлі шақта еліміздің гүлденіп, көркеюі жолында аянбай еңбек етіп жүрген отандастарымызды ортақ мерекемізбен құттықтаймын! Ұрпақтарымыздың ырысы ортаймасын, намысы тапталмасын деп көксеген ата-бабаларымыздың арманы орындалған осы шақта баршаңызға бақыт, байлық, береке тілеймін. Еліміздің ертеңі жолындағы еңбегіміз жана берсін, – делінген құттықтау сөзінде.
Дөңгелек үстелде 6В05314-Химия білім беру бағдарламасының 2 курс студенттері Хусанов Нұрсұлтан «Тәуелсіздіктің ақ таңы» тақырыбында баяндама жасап, қатысушыларға викториналық сұрақтар қойса, Серікбай Жазира, Нұрқұл Мейірім, Тоқмаханбет Ақназ, Уринбасарова Маржан және Бахтиярқызы Диана Тәуелсіздік жайында өлең жырларын нақышына келтіріп мәнермен оқып берді. Қуанышбекова Азиза «Еліміздің ертеңі - Тәуелсіздік» тақырыбында дайындалған презентациялық материалдарға сүйеніп баяндама оқыды. Шара барысында арнайы тақырыптың мәнін ашатын бейнефильм, «Көк тудың желбірегені» әні қатысушылар назарына ұсынылды.
«Химия және химиялық технология» кафедрасының
аға оқытушысы, химия магистрі Мамешова Саят Алишериевна