Шетелде кадр даярлау жөніндегі республикалық комиссияның шешіміне сәйкес М.Х.Дулати атындағы Тараз университетінің оқытушылары «500 ғалым» бағдарламасының стипендия иегері атанды!

Енді бұл оқытушылар шетелдің жетекші ғылыми орталықтарында тағылымдамадан өтіп, біліктілігін арттыратын болады.  

Жүзден жүйрік атанып, зор мүмкіндікке ие болған ғалымдарымыз:

• 1. Назарбекова Алуа Ахмедиаровна – «Қазақ тілі мен әдебиеті» кафедрасының қауымдастырылған профессор м.а. Констрактер университетінде (Германия) 01.09.2025-01.09.2026 аралығында тағылымдамадан өтеді.
• 2. Наурузкулова Сымбат Муратбековна – «Химия және химиялық технология» кафедрасының аға оқытушысы Мичиган мемлекеттік университетінде (АҚШ) 25.08.2025-25.08.2026 аралығында тағылымдамадан өтеді.
• 3. Сарбасова Гульмира Азимбаевна – «Экология және тіршілік әрекетінің қауіпсіздігі» кафедрасының қауымдастырылған профессоры (доцент) Гумбольдт атындағы Берлин университетінде (Германия) 02.06.2025-30.04.2026 аралығында тағылымдамадан өтеді

• 4.Сарсембаева Мирамкуль Коныратбаевна – «Қазақ тілі мен әдебиеті» кафедрасының қауымдастырылған профессоры (доценті) Редингтегі мемлекеттік университетінде  (Англия) 01.03.2025- 01.02.2026 аралығында тағылымдамадан өтеді.

Жеңістеріңіз, жетістіктеріңіз құтты болсын, құрметті әріптестер!