М.Х.Дулати атындағы Тараз университеті колледжінде жалпы білім беретін пәндер апталығының ашылу салтанаты өтті. Апталық ағымдағы жылдың 2-14 желтоқсан аралығында өтеді.

Шара барысында студенттер жалпы білім беретін пәндердің мазмұнымен таныстыру мақсатында қабырға газеттерін дайындап, түрлі қойылымдар арқылы түсіндірді. Алғашқы әскери дайындық пәні бойынша әскери форма киген студенттер әнұран айтып, әскери бағытта түрлі  ойындар көрсетті. Қазақ тілі мен әдебиеті пәндері бойынша ұлттық нақышта киінген бұрымдылар қазақ тілінің халықаралық деңгейдегі жетістіктерін баяндап берді.

Ал, химия, биология пәндеріне қатысты студенттер зертхана жасаса, география пәні студенттері ғаламшардағы Қазақстанның рөлі мен орнын сахналық қойылыммен көрсетті. Информатика, математика, ағылшын және орыс тілдері, дене шынықтыру пәндері бойынша студенттер өз өнерлерін көрсетіп, көрермен қошеметіне бөленді.

Апталықтың ашылу рәсімінінде М.Х.Дулати атындағы Тараз университеті колледжінің директоры, Рһ доктор Камшат Торғайбайқызы құттықттау сөз алып, оқу ордамыз жас ұрпақтың бойындағы тұлғалық қасиеттерді ұштап, білім мен тәжірибелерді игеруге, достық қарым-қатынастың қалыптасуына мүмкіндік беретін бірегей білім алаңы екенін жеткізіп, білімгерлерге сәттілік тіледі. Сондай-ақ, апталықтың барысында ұйымдастырылатын айтулы шаралармен таныстырып, студенттерді белсенді болуға шақырды.