Биылғы жазда Тараз қаласындағы М.Х.Дулати атындағы университетінде ерекше оқиға болды. PAS ұйымының қолдауымен өткен халықаралық жазғы мектепте Оңтүстік Кореядан келген 22 волонтер қазақстандық студенттерге корей тілін үйретіп, Қазақстан мен Оңтүстік Корея арасындағы мәдени байланыстарды нығайтуға үлкен үлес қосты.

Осы бағдарламаның қорытындысы бойынша, 30 қазаннан 5 қарашаға дейін Сеул қаласында PAS ұйымының 30 жылдығына арналған жастар алмасу бағдарламасы мен халықаралық форум өтті.

Аталған форумға біздің университеттің «Филология және гуманитарлық ғылымдар факультеті», «Әлем тілдері»  кафедрасының корей тілі оқытушысы Сабырова Д.П және 1 курс магистранты Әуес С. қатысып, Таразда өткен жазғы мектептің қорытындысын баяндады.

Сонымен қатар, бағдарламаға әлемнің 7 елінен студенттер мен оқытушылар қатысып, өз тәжірибелерімен бөлісті.

Аталған жастар алмасу бағдарламасы екі ел арасындағы достық пен халықаралық ынтымақтастықты нығайтады деп сенеміз.