«Әлеуметтік жұмыс басқармасы» жанындағы «Жастармен жұмыс» бөлімінің ұйымдастыруымен №1 жатақхана жастарының арасында үстел теннисінен жарыс өтті.

Спорттық шараның мақсаты – жастар бойына отансүйгіштік, патриоттық сезімдерді қалыптастыру арқылы спорт пен салауатты өмір салтын насихаттау.

Жарысқа 30 студент қатысып, бақтарын сынады. Нәтижесінде, қыздар бәсекесінде Анеля Талдыбек жеңіске жетті. Екінші орынды Гүлсімай Искандирова иеленді. Үшінші орын Ұлжан Ибрашқа бұйырды.
Ерлер бәсекесінде бірінші орынды Сәулет Тұрсын иеленсе, екінші орынды Ғаламат Назар алды. Бекарыс Бекболат үшінші орынды қанжығасына байлады.

Үстел теннисінен болған бәсекеде өз шеберліктері мен жоғары кәсібилігін көрсеткен жарыс жүлдегерлерін құттықтаймыз! Спортта да, өмірде де жеңістеріңіз көп, табыстарыңыз мол болсын!