Қызығы мен шыжығы мол сол бір төрт жыл талай әдемі де, әсерлі әңгіменің арқауы болып, көрігін қыздырғаны белгілі. Сәні мен салтанаты, мәні мен мағынасы мол өмірдің кейіпкерлері – студенттердің әр күні мерекедей өтсе де, күнтізбеде белгіленген өзіндік мейрамдары да бар. Ол Халықаралық студенттер күні.Атаулы датаға орай, университетте мерекелік концерт өтті.

Іс-шараны Басқарма мүшесі-Әлеуметтік-мәдени даму жөніндегі проректор Аслан Еділханұлы және Әлеуметтік жұмыс басқармасының басшысы Арнат Бегдалыұлы өз құттықтау сөздерімен ашып, студенттерге мерекелік көтеріңкі көңіл күй тіледі.

Концертке басшылар ,ұйымдар мен оқытушылар және студенттер қатысты. Университетіміздің коғамдық, әлеуметтік-мәдени жұмыстарына белсене ат салып жүрген және өнерімен көптің көзайымына айналған студенттер Басқарма мүшесі-Әлеуметтік мәдәни даму жөніндегі проректор Аслан Еділханұлының алғыс хатымен марапатталды.

Талантты студенттеріміз мерекелік кеште өз өнерлерін көрсетіп, көрермен қошеметіне бөленді.