Университет қабырғасында елдің әлеуметтік-экономикалық дамуына талмай еңбек еткен және білім саласына үлесін қосып жүрген бірқатар ұстаздар мен қызметкерлерге марапаттар табысталды.

Атом электр станциясын салуды қолдау жөніндегі Республикалық халықтық штабтың төрағасы Ерлан Қошановтың «Алғыс хат» дипломымен университетіміздің Басқарма төрағасы – ректор Мұхтар Қазбекұлы марапатталды.

Қазақстанда атом электр станциясын салу мәселесі бойынша республикалық референдумды өткізуге белсенді атсалысқаны үшін Қазақстан Республикасы Президентінің «Алғыс хат» дипломымен Бақыт Әлмұратов марапатталды.

АЭС салуды қолдау жөніндегі аумақтық халықтық штаб қызметіне атсалысып, үгіт-насихат жұмыстарын  белсенді жүргізгені үшін Аманат партиясының «Алғыс хат» дипломымен Бақыт Әлмұратов, Тұрсынай Абдықадырова, Меруерт  Кейкиманова, Бибара  Кушкимбаева, София Егембердиева марапатталды.

Абай атындағы Қазақ ұлттық университеті диссертациялық кеңесінің 2024 жылғы 14 маусымдағы шешімімен «Химия»  білім беру бағдарламасы бойынша Эльмира Камбароваға философия докторы (PhD) дәрежесі берілді.

Қазақстан Республика жоғары оқу орындарының студенттері арасында «География мұғалімдерін даярлау» білім беру бағдарламаларының топтары бойынша үшінші дәрежелі дипломмен Биназар Талап және жетекшісі Айгүл Даменова «Алғыс хат» дипломымен марапатталды.

Кампусқа арналған Курсера ұйымы Ғылым және жоғары білім министрлігі басқаратын Coursera-мен бірлесіп, Қазақстанның ұлттық стратегиялық бастама аясында білім беру жүйесін жетілдіру жөніндегі цифрлық инновацияларды енгізгені үшін Dulaty University жетістік сертификатымен марапатталды.

Марапат иелерін құттықтаймыз! Алдағы уақытта кәсіби табыс, жаңа жетістіктер, сәттілік және шығармашылық шабыт тілейміз!