М.Х. Дулати атындағы Тараз өңірлік университеті технологиялық факультетінің «Химия және химиялық технолгия» кафедрасының Phd, қауымдастырылған профессор міндетін атқарушы Маржан Калмаханова наурыздың 3-15 аралығында Браганса Политехникалық институтында (Португалия, Браганса), Комплутенс Университетінде (Universidad Complutense de Madrid (UCM) және Король Хуан Карлос (Universidad Rey Juan Carlos, URJC ) (Испания, Мадрид) университетіне барып ғылыми тағылымдадан өтіп келді.

Дулати университетінің жас ғалымына осылайша шетелдік университеттердің ғылыми-зерттеу жұмыстарымен жан-жақты танысуға мүмкіндік туды. Осы сапар барысында Мадрид қаласында орналасқан Комплутенс университетімен екі жақты келісім шарт орнатылды. Осындай халықаралық деңгейдегі келісім шарттарды көптеп жасау кафедраның ғылыми әлеуетімен білім алушылардың ғылыми-зерттеу жұмыстарының жоғарылауына зор мүмкіндік береді.