Қазақстан Тәуелсіздігінің мерейтойы қарсаңында еліміздің тарихын білуге арналған социологиялық сауалнама жүргізуді жөн көрдік. Сауалнаманың негізгі мақсаты – соңғы 3 онжылдықта республикада орын алған маңызды оқиғаларды университетіміздің студент жастарының қаншалықты білетінін анықтау. Сауалнамаға М.Х. Дулати атындағы Тараз өңірлік университетінің 80-нен астам бірінші курс студенттері қатысты.
Сауалнама 2 бөлімнен тұрды:
- NUR.KZ ресми сайтының сұрақтары;
- еліміздің 30 жылдағы жетістіктері туралы ой толғауға арналған сұрақтар.
Сұрақтардың бірінші бөлігі республикамыздың тәуелсіздік жылдарындағы тарихына қатысты болды.
Екінші бөлімнің сұрақтарына берген жауаптары біздің студенттердің Қазақстандағы ұлттар мен ұлыстарды шаңырағының астына жинаған көпұлтты елінің нағыз патриоттары екенін көрсетті.
Ендеше, жастардың Тәуелсіздік сөзімен байланыстары қарапайым ұғымдардан тереңірек, мағыналы ұғымдардан басталады: Ғарыш, Дала, Күн, Мереке – Азаттық, Теңдік, Егемендік, Бірлік, Тұрақтылық және Тәуелсіздік құқығы.
Студенттер Қазақстанның даңқын спорт әлемінде асқақтатқан Олимпиада чемпиондарын жақсы біледі: Ермахан Ибраимов, Дмитрий Баландин, Данияр Елеусінов, Ольга Шишигина, Майя Манеза, Илья Ильин, Геннадий Головкин және тағы басқалар. Студенттер атақты спортшылар – университетіміздің түлектері Бақтияр Артаев пен Бейбіт Ыстыбаев туралы мақтанышпен жазады.
Қазақстанның осы 30 жылдағы басты жетістіктерінің қатарында студенттердің көпшілігі тәуелсіз мемлекеттің жаңа астанасының салынуын, Семей ядролық полигонының жабылуын ерекше атап өтеді, бұл бізді ядролық қауіпсіздік рейтингінде әлемдегі ең қауіпсіз елдердің бірі ретінде айтуға мүмкіндік берді. Сондай-ақ республиканың БҰҰ, ЕҚЫҰ, ИЫҰ, ШЫҰ, ТМД, ЕАЭО, БЭК, ҰҚШҰ, ЭЫДҰ сияқты халықаралық ұйымдарға кіруі атап өтілді. Қазақстан халықтары Ассамблеясының құрылуы, ЭКСПО – 2017 халықаралық мамандандырылған көрмесінің өткізілуі және Тоқтар Әубәкіровтің ғарышқа ұшуы еліміздің басты жетістіктері аталымында студенттердің басым бөлігі атап өтті!
Қазақ халқының байлығы – барлық этностардың бірлігінде, ел аумағында бейбітшілік пен келісімде өмір сүру. Дәл осы жайт Қазақстанды басқа елдердің көрінісінде ерекшелендіреді.
Социологиялық сауалнаманың нәтижелерін саралай келе, біздің студенттер өз Отанының нағыз патриоттары, олар Тәуелсіз Қазақстанның жетістіктеріне құштар және мақтан тұтады деген қорытындыға келдік!
П.ғ.к, доц. Новожилова М.В.
аға оқытушы Лошкова И.Г.
«Практикалық шетел тілдері» кафедрасы