Ректор Талғат Ешенқұлов Қаратау қаласына Тау-кен технологиялық колледж ұжымымен кездесу үшін іссапармен барды. Колледж тыныс-тіршілігімен танысып, алдағы уақытта бұл білім ордасының жұмысын жандандыру мақсатында іс-шара жоспарын әзірледі.

Алдағы уақытта өңірдегі тау-кен мамандарын дайындайтын жалғыз колледждің мастер-техникалық базасын жақсарту жұмыстарын жүргізіп, химия өндірісіне бағытталған жаңа мамандықтарды ашуды мақсат қойды. Колледж базасында өңіріміздің тау-кен саласындағы үлкен өндіріс мекемелеріне қажетті маман иелерін дайындауға міндетті алғышарттарды атап өтті.