М.Х. Дулати атындағы Тараз өңірлік университетінің «Философия және саясаттану» кафедрасы тарихы терең алдыңғы қатарлы қоғамдық кафедраларының бірі.   Университет 1998 жылы ЖЖТӨТИ (Технологиялық институт), ЖГМҚИ (Гидро-мелиоративтік институт) және ЖПИ (Пединститут) бір оқу ордасына айналып,  М.Х. Дулати атындағы  Тараз Мемлекеттік Университеті болып аталғаннан кейін «Философия» (меңгерушісі доцент Р.Е.Жүншеев) және «Мәдениеттану» (меңгерушісі доцент С.А Омаров) кафедралары болып құрылды.

2003-2004 оқу жылында Тараз Мемлекеттік Университетінен Тараз Мемлекеттік Педагогикалық Институты бөлініп шығып, университеттегі «Философия және мәдениеттану» кафедрасының меңгерушілігіне доцент Т.Ж. Жаңақұлов тағайындалды.

2013 жылдың қыркүйек айынан бастап кафедраның аталуы «Философия және саясаттану» кафедрасы болып өзгерді.

2009-2014 оқу жылында кафедра меңгерушілігі қызметін доцент М.Ж. Спанов атқарды.

2014 жылдың 1 қыркүйек айынан бастап кафедра меңгерушілігіне филос.ғ.к., доцент Д.Д. Кульбаева тағайындалды. 

2020 жылы М.Х.Дулати атындағы тараз мемлекеттік университеті мен «Ұстаз» институты біріктіріліп, кафедра құрамы білікті мамандармен толықтырылды. Кафедра меңгерушілігіне филос.ғ.к., доцент Д.Д. Кульбаева тағайындалды. 

Кафедраның профессорлық-оқытушылық ұжымы  оқу, оқу-әдістемелік  пен ғылым, тәрбие бағыттарындағы жұмыстарды ұйымдастыруда озық технологиялар мен жаңашылдықтарды тиімді пайдаланып, заманауи талаптарға сай қызмет етіп келеді.    

Қазіргі кафедра құрамында: 5 ғылым кандидаты (біреуі академиялық профессор - Т.Жаңақұлов), 5 доценттер:  Джуншеев Р.Е., Кульбаева Д.Д., Нұрадин Г.Б., Гизатуллина Г.А.,Мамедова П.И., аға оқытушылар: Баярисов Р.У., Иманбаев А.А., Исмаилова С.К.,  Куандыкова Э.Д., Изтелеуов А.А., Аймамбетова Ш.Г, Таңатаров Б.Қ.,Иманбекова Г.М., Мырзапайызова Г.У., Алтынбекова З.Т., Омирзакова Д.Д., Мусабекова Г.К., Еменова Г.Б., Аккулиева А.Е   қызмет атқарады.

Кафедрада 30 жылдан астам қызмет атқарып келген оқытушылар: ф.ғ.к., профессор Жаңақұлов Т.Ж., ф.ғ.к., доценттер Джуншеев Р.Е., Гизатуллина Г.А.,  Кульбаева Д.Д., аға оқытушылар: Иманбаев А.А., Баярисов Р.У., Исмаилова С.К., Аймамбетова Ш.Г.,  Изтелеуов А.А,Куандыкова Э.Д., Таңатаров Б.Қ.

Кафедрада 3 пәннен: «Философия», ӘСБ2 («Саясаттану», «Мәдениеттану»),   «Ғылымның тарихы мен философиясы»,     пәндері бойынша сабақтар жүргізіледі.

Кафедраның әдістемелік жұмысы бойынша университеттің 2020-2025 жж. даму стратегиясында жоспарланған жұмыстар іс жүзіне асырылуда. Әдістемелік жаңалықтар бойынша жоғары оқу орындары арасындағы өткен  «Педагогикалық идеялар панорамасы» Республикалық байқауының аймақтық кезеңінің «Педагогикалық бағытта оқытуды жүргізетін ЖОО педагогикалық мамандықтарының ПОҚ» аталымында жүлделі 1 орын алғаны үшін  және «Педагогикалық идеялар панорамасы» Республикалық байқауының «Педагогикалық бағытта оқытуды жүргізетін ЖОО педагогикалық мамандықтарының ПОҚ» аталымында жүлделі 3 орын алғаны үшін дипломдармен марапатталды.

Оқу технологиясы бойынша кафедра оқытушыларының оқытудың заманауи технологияларын пайдалана отырып, оқытудың белсенді әдіс-тәсілдерін қолданып сабақ жүргізу деңгейі жоғары.

«Философия және саясаттану» кафедрасының профессорлық-оқытушылық құрамы әлеуметтік-гуманитарлық пәндер саласында зерттеулерден көрініс табатын және кафедраның ғылыми бағдарламаларының негізгі бағыттары бекітілген университеттің  ҒЗЖ жоспарына сәйкес қазіргі заманғы философия, саясаттану, мәдениеттану, дінтанудың өзекті бағыттары бойынша белсенді ғылыми-зерттеу жұмысымен айналысады  Кафедрада  «Қазақ халқының ежелгі түркі дәуірінен ХХ ғасырдың басына дейінгі кезеңдегі рухани құндылықтар сабақтастығы мен дамуы» тақырыбында ғылыми-ізденіс жұмыстары жүргізілуде.

 Кафедра оқытушылары мен 1,2 курстардың студенттері зерттеу жұмысына белсенді түрде қатысады. Студенттерді ғылыми жұмысқа тартып, ғылымға қызығушылығын арттыру мақсатында кафедрада студенттердің    «Логос»  ғылыми-танымдық үйірмесі жұмыс істейді

Студенттер оқытушылардың жетекшілігімен  философиялық, мәдени, рухани-адамгершілік, діни, саяси, құқықтық, әлеуметтік т.б салалардағы қазіргі заманның күрделі,өзекті мәселелер тақырыптары бойынша материал жинап, университеттік, аймақтық, республикалық және халықаралық деңгейлердегі  конференцияларда қатысып, ғылыми баяндамалар жасайды және өз ұсыныстарын ғылыми тұрғыдан негіздеп береді.  

 Кафедра ұжымы университет, облыс және қала деңгейіндегі тәрбиелік іс-шаралардың ұйымдастырушысы ретінде көптеген жетістіктерге қол жеткізді. Оқытушылардың – жастарды адамгершілікке, руханилыққа, имандылыққа насихаттайтын мақалалары «Университет тынысы», «Ақжол», «Знамя труда», «Арай» басылымдарында  жарық көріп тұрады. Сондай-ақ студенттердің діни дүниетанымдық көзқарастарын дұрыс қалыптастыру және жастарды діни-радикалды ағымдардың ықпалынан сақтау мақсатында  кафедра ұжымы тарапынан студенттік жатақханаларда  дөңгелек үстелдер, пікірталастар, сұқбат-әңгімелер өткізіліп тұрады.