Жоғары оқу орнының үздік оқытушысы конкурсы

«ЖОО-ның үздік оқытушысы» байқауына, конкурсқа құжаттарды ұсыну сәтінде кемінде бес жыл үздіксіз ғылыми-педагогикалық өтілі және оларды көтермелеу және қолдау мақсатында педагогикалық және ғылыми қызметте жоғары жетістіктері барЖЖОКБҰ-ның профессорлық-оқытушылық құрамы (штаттық оқытушылар)қатыса алады.

Конкурстың мақсаты ЖЖОКБҰ профессорлық-оқытушылық құрамының (бұдан әрі-ОПҚ) кәсіби - педагогикалық мәдениетін, оқу-әдістемелік және тәрбие жұмысының деңгейін арттыру, кәсіби өзін-өзі жүзеге асыру үшін қолайлы жағдайлар жасау, оқытушылардың одан әрі кәсіби дамуына ынталандыруды арттыру арқылы ОПҚ ғылыми әлеуетінің белсенділігін ынталандыру болып табылады.

«Жоғары оқу орнының үздік оқытушысы» конкурсы туралы қағида» (бұдан әрі - Қағида) Қазақстан Республикасы Білім және ғылым министрінің міндетін атқарушының 2015 жылғы 16 наурыздағы № 124 бұйрығымен бекітілген.«Үздік ғылыми қызметкер» атағының иегерлері соңғы он жылда аталған конкурсқа қатыспайды.

Конкурсқа қатысу үшін жоғары және (немесе) жоғары оқу орнынан кейінгі білім беру ұйымдарының штаттық оқытушылары қатарынан үміткерлер өз құжаттарын Қазақстан Республикасы Ғылым және жоғары білімминистрлігінің Ақпараттық жүйесі арқылы тапсырады.

Конкурс екі кезеңнен тұрады.

Конкурстың I кезеңіне қатысу үшін ЖОО-ның штаттық оқытушылары қатарынан үміткерлер Қазақстан Республикасы Ғылым және жоғары білім министрлігінің ақпараттық жүйесіарқылы (universitycontest2023.iac.kz.) келесі құжаттарды тапсырады:

1) осы Қағидалардың 1-қосымшасына сәйкес «ЖОО-ның үздік оқытушысы» атағын беру конкурсына қатысу бойынша үлгідегі өтінім;

2) осы Қағидалардың 2-қосымшасына сәйкес сапалық және сандық көрсеткіштерге сәйкес мәліметтер (нақты мерзімі көрсетілген тармақтарды қоспағанда, соңғы 5 жылдағы мәліметтер);

3) осы Қағидалардың 3-қосымшасына сәйкес жылдық жұмыс жоспар-кестесі;

4) кадрларды есепке алу жеке іс парағы;

5) жеке басын куәландыратын құжаттың көшірмесі;

2023 жылы Дулати университетінде «ЖОО-ның үздік оқытушысы» атағын алуға конкурсы бойынша іріктеу комиссиясы құрылып, конкурстың бірінші кезеңінде "ЖОО-ның үздік оқытушысы" атағын беруге үміткерлердің сараптама тобымен қойылған балдарымен сауалнамаларын қарап, осы конкурстың 2-ші республикалық кезеңіне қатысу үшін үміткерлерді іріктеп, 19 қатысушыны 2-ші кезеңге ұсынды.2023 жылы «Жоғары оқу орнының үздік оқытушысы» байқауының жеңімпаздары: химия магистрі «Химия және химиялық технологиялар» кафедрасының аға оқытушысы Р.М. Құдайбергенова және т.ғ.к. «Автоматика және телекоммуникация» кафедрасының профессоры М.Ш. Джунисбеков, олар ҚР ҒЖБМ Ғылым Комитетінің гранттық қаржыландырудың ғылыми жобаларының жетекшілері болып табылады.

   

2023 жылы "ЖОО үздік оқытушысы" байқауының жеңімпаздары

Құдайбергенова Р.М., Джунисбеков М. Ш.

2018-ші жылдан бері университетімізде 26 оқытушы «ЖОО үздік оқытушысы» конкурсының жеңімпаздары атанды.